Bonjour, Emily! ემილი კუპერის პარიზული ცხოვრება და სასიყვარულო დრამები ოფიციალურად გრძელდება. ჰოლივუდის მასშტაბური გაფიცვების გამო, Emily In Paris-ის, ისევე როგორც ათობით სხვა ტელეშოუს, გადაღებები რამდენიმე თვით გადაიდო. თუმცა, სერიალის ერთგულ მაყურებელს, ლილი კოლინსმა პირადად ამცნო სამზადისის დაწყების შესახებ, რაც იმას ნიშნავს, რომ მაყურებელი საყვარელ სერიალს სულ მალე იხილავს.
ვენეციის კინოფესტივალზე იორგოს ლანთიმოსის Poor Things პრემიერის წუთიდან მოყოლებული იქცა ფილმად, რომლის ნახვაც ყველას სურს და რომლის შესახებ საუბარი არა და არ წყდება. ზრდასრული ქალის სხეულში გამომწყვდეული ბავშვის, ბელა ბაქსტერის (ემა სტოუნი) უცნაური ამბავი, პროტაგონისტის ტრანსფორმაციულ მოგზაურობაზე გვიამბობს, რომელიც რეალური სამყაროს საოცრებებითა და საშინელებითაა სავსე.
ჰოლივუდში მიმდინარე მასშტაბური გაფიცვების გამო, Emmy-ს ცერემონია სექტემბრის ნაცვლად გასულ ღამეს გაიმართა. ამერიკულმა სატელევიზიო პრემიამ, 75-ედ მიაგო პატივი სატელევიზიო სამყაროს აღმოჩენებს, ლეგენდებსა და მომენტის მთავარ ჰიტებს. ცხადია, რიგით 75-ე დაჯილდოებას ჰყავდა საკუთარი რჩეულები, რომელთა შორისაც ტრიუმფატორების როლი Succession-მა, Beef-მა და The Bear-მა მოირგეს.
100 წლის წინ, 1924 წლის 9 იანვარს, თბილისში დაიბადა ბიჭი, სახელად სერგეი (სერგეო) ფარაჯანოვი, რომელსაც განგებამ დიდებითა და ფათერაკებით აღსავსე ცხოვრება უბოძა. თუმცა, ძნელი დასაჯერებელია, რომ ისეთი „ხულიგანი“ კინორეჟისორი, როგორიც სერგო ფარაჯანოვი გახლდათ, ზედმიწევნით გაჰყვებოდა მისთვის დაწერილ ბედსწერას. ფარაჯანოვი იმ ადამიანთა კატეგორიას მიეკუთვნებოდა, რომლებიც დადგენილი წესების დარღვევითა და ამ დაუმორჩილებლობის აქტით მიღებული ენერგიით საზრდოობენ.
„ოქროს გლობუსის“ რიგით 81-ე დაჯილდოების ცერემონია რამდენიმე საათის წინ, ბევერლი-ჰილზში გაიმართა. ამ უკანასკნელმა "დაჯილდოებების სერია" ოფიციალურად გახსნა, რომელიც 10 მარტს „ოსკარით“ დაგვირგვინდება.
ახალი წლის დადგომას, სხვა მრავალ უპირატესობასთან ერთად, ფილმებისა და სერიალების სრულიად ახალი ნაკრებიც ახლავს ბონუსად. გამომდინარე იქიდან, რომ იანვარი ხშირად დასვენებასთან და შვებულებასთანაა ასოცირებული, აუცილებლად დაგვჭირდება ფილმებისა და ახალი შოუების სია, რომელიც ზამთრის ცივი ღამეების სასიამოვნოდ გატარებაში დაგვეხმარება.
ჰოლივუდის უცხოური პრესის ასოციაციამ 2024 წლის „ოქროს გლობუსის“ ნომინანტების სია წარადგინა. რიგით 81-ე დაჯილდოების ცერემონია 7 იანვარს, CBS-სა და Paramount+ -ზე პირდაპირ ეთერში გადაიცემა.
დეკემბერის ყოველთვის გამოირჩეოდა წელიწადის ყველაზე გახმაურებული პრემიერებით. მიუხედავად იმისა, რომ ეს პერიოდი საახალწლო სამზადისთან და სადღესასწაულო განწყობის შემქმნელ ფილმებთანაა დაკავშირებული, წელიწადის მიწურულს მაინც გამოირევა ახალი კინოპროდუქტები, რომლებიც ჩვენს ყურადღებას იმსახურებენ. 2023 წლის დეკემბერიც გამორჩეულია დიდი ეკრანის პრემიერებით, წინ ნამდვილად საინტერესო სიახლეები გველოდება.
უკვე 24 წელია, ქართველი და უცხოელი კინომოყვარულები მოუთმენლად ელიან საქართველოში წლის მთავარი კინომოვლენის დაწყებას - 26 ნოემბერს, თბილისის რიგით 24-ე საერთაშორისო კინოფესტივალი გაიხსნა. წლევანდელი კინოფესტივალი გამორჩეულია იმით, რომ მაყურებლებს შეუძლიათ ნახონ ისეთი ცნობილი და გამორჩეული რეჟისორების ფილმები, როგორებიც არიან ვეიტ ჰელმერი, აკი კაურისმიაკი, პედრო კოშტა და სხვები.
ჯადოსნური საახალწლო ამბები უკვე ხდება, რადგან ყველა დროის ყველაზე საყვარელი სადღესასწაულო ფილმი, Love Actually, კინოთეატრებში 7 დეკემბერს ბრუნდება. რომანტიკული კომედიის შემქმნელები, მისი შემოქმედებითი გუნდი და სამსახიობო შემადგენლობა, ფილმის გამოსვლიდან მე-20 საიუბილეო წელს აღნიშნავენ.
