ვებ-პლატფორმა The Diary 1 წლის წინ ქალების ხელით შეიქმნა. ჯერ კიდევ სტარტაპად ყოფნის პროცესში გადავწყვიტეთ, რომ ქართველი ქალი ანტრეპრენებისთვის მხარდაჭერა უნდა გამოგვეცხადებინა და მაქსიმალურად დავხმარებოდით თითოეულ გოგოს/ქალს საკუთარი მიზნების მიღწევაში. სწორედ ამ მიზნით საქართველოს მეწარმეთა ასოციაციასთან მემორანდუმი გავაფორმეთ და ჩვენი მკითხველისთვის ყოველკვირეული რუბრიკა GOGO! შევქმენით.
GOGO!-ს წყალობით გაგაცანით საოცარი იდეების, შემართების, გეგმებისა და ხედვების მქონე ქალები და გოგოები. დღეს კი ისევ და ისევ მათი მხარდაჭერის და თქვენთვის საახალწლო შოპინგის შემსუბუქების მიზნით, გთავაზობთ იმ ჯადოსნურ ნივთებს, რომლებიც ამ ათეულობით ქალის გაცნობით აღმოვაჩინეთ და ვთვლით, რომ მათი ქმნილებები და ნამუშევრები თქვენი ადრესატისთვის დაუვიწყარი საჩუქარი იქნება.
ნინო სეფოს სამკაულები
„სამკაულების დიზაინი 2016 წელს დავიწყე, მანამდე კი, რამდენი წელი კოსტიუმებზე ვმუშაობდი. ეს თითქოს, ერთგვარი გაგრძელება იყო იმისა, რასაც მანამდე ვაკეთებდი, რადგან სტილისტიკა და ეგრეთ წოდებული „თხრობის ხაზი“ შენარჩუნებულია, უბრალოდ შეიცვალა მასალა და ფორმა“ - ნინო სეფო.
Loop-ის სანათი
„სანათის შექმნის იდეა პანდემიის პერიოდში გამიჩნდა. ქსოვის მიმართ ბავშვობაში გაჩენილი სიყვარული ზუსტად ამ დროს ამოტივტივდა და სპონტანურად, პირადი საჭიროებიდან გამომდინარე, ძაფებით მოქსოვილი პირველი სანათი გავაკეთე. მანამ, სანამ ჩემ მიერ შექმნილი სანათი იმ სახეს მიიღებდა, როგორი სახითაც დღეს მომხმარებელს სთავაზობს Loop-ი“ - ქეთა ლომიძე
„აზურიტის“ დეკორატიული ნივთები
„როდესაც ჩემს ნივთებზე მუშაობა დავიწყე, ეს პერიოდი დაემთხვა გლობალურ პანდემიას. ამიტომაც, ეს იყო ჩემთვის თავის შექცევის და ერთგვარი თერაპიის საშუალება. ჩემს ყოველდღიურ სამუშაო გარემოს მოწყვეტილი ვიყავი, მქონდა ბევრი თავისუფალი დრო და მინდოდა ეს სიცარიელე რამენაირად შემევსო“ - ანი შეროზია.
Gerlisol-ის სარკეები
„მიუხედავად იმისა, რომ ქვეყანაში დაწყებულმა პანდემიამ ყველა სხვა საქმიანობა შემიჩერა, ამავდროულად მომცა საშუალება ამეხდინა დიდი ხნის ოცნება და მომხმარებლისთვის წარმომედგინა ხელნაკეთი ნივთების ჩემებური ხედვა“ - მარია გერლიანი.
„თბილიჰობის სლოგანია ,„თბილიჰობი თქვენი პატარას პირველი მეგობარი” და მართლაც ასეა. ჩვენთან შეძენილი პირველი ნივთების შემდეგ მომხმარებლები ერთგულად გვემეგობრებიან“ - მარიტა დუმბაძე.
„ღვინის ემოციის“ აქსესუარები
„თავიდან სტარტაპის შექმნაზე არც მიფიქრია, სანამ ხელნაკეთი აქსესუარების ერთი სკივრი არ დავაგროვე. იძულებული გავხდი მათი რეალიზაცია მომეხდინა. მაგრამ, როდესაც ღვინის სკოლის დამთავრების მერე, ღვინო და მისი ფილოსოფია თავდავიწყებით შემიყვარდა, უკვე დაგეგმილი ნაბიჯები გადავდგი Emocia Wines-ის შესაქმნელად“ - თამარ აბულაძე.
„ერთ დღეს შემთხვევით ამოვიკითხე ინფორმაცია ვერცხლის თვისებების შესახებ. ვერცხლი ე.წ. „კეთილშობილი“ მეტალი, თურმე დადებითი ენერგიის მატარებელი ყოფილა და მისი ყოველდღიური ტარება პოზიტიურად მოქმედებს ჯანმრთელობაზე” - ნათია კობახიძე.
ორი დის მიერ წამოწყებული სტარტაპი უკვე შვიდი წელია, რაც ქართველი მომხმარებლის საყვარელ პროდუქტს ქმნის. საყვარელი ადამიანების გახარება თუ გსურთ, ნეონ გალერის აუცილებლად უნდა ესტუმროთ. და თუ ახალი საქმის წამოწყებაა თქვენი ამჟამინდელი მიზანი, მაშინ სალომესა და ნინუცას რჩევები ძალიან გამოგადგებათ!
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
