ლელა წურწუმიას გამოჩენა დემნა გვასალიას SS24-ის Balenciaga-ს ჩვენებაზე და კულისებს მიღმა "მეგრული კლანის" გაერთიანება, კვირის მთავარ სიახლედ იქცა. პარიზული ვოიაჟის დეტალებზე, Balenciaga-ს კოლექციის ჩვენების წინა რიგებში ჯდომის გამოცდილებასა და გაზიარებულ ემოციებზე ლელამ, გასულ ღამეს საავტორო გადაცემა მხოლოდ ლელასთან პირდაპირ ჩართვაში ისაუბრა და რამდენიმე მხიარული დეტალიც გაგვიზიარა.
ELIE SAAB-მა 2024 წლის გაზაფხული/ზაფხულის კოლექცია, სახელწოდებით "მთვარის ჩრდილი", Palais de Tokyo-ში სავსე მთვარეობისას წარადგინა. ელეგანტური, ქარიზმატული და მთვარის ჩრდილის მატარებელი ELIE SAAB-ის ქალი თამამად მიჰყვება ღამის ნათებას. მან კარგად იცის, რომ ზურგს მთვარის შუქი და ხმელთაშუა ზღვის ესთეტიკა უმაგრებს.
Balenciaga SS24-ის ჩვენებაზე დემნას დედის გამოჩენას სოციალურ ქსელში გურამ გვასალიაც გამოეხმაურა: „ვამაყობ, Balenciaga-ს შოუ დედაჩემმა რომ გახსნა. სამწუხაროა, რომ მე არ ვიყავი მიწვეული, რათა ეს მომენტი საკუთარი თვალით მენახა. ვლოცულობ ჩემი ძმის სულისთვის. ღმერთმა დალოცოს ის“ - დაწერა მან.
პარიზის მოდის კვირეული ცხელ ფაზაში გადავიდა, ჩვენებების ყოველი დღე და თითოეული ახალი შოუ ერთი-მეორეზე დიდებული და სანახაობრივია. გასულ ღამეს, Balmain-სთვის, 2024 წლის გაზაფხული/ზაფხული კოლექცია ოლივერ რუსტინგმა წარადგინა, ახალგაზრდა დიზაინერის შემოქმედებამ მნიშვნელოვანი გამოხმაურება დაიმსახურა, განსაკუთრებით მას შემდეგ, რაც გაირკვა, რომ ჩვენებამდე რამდენიმე დღით ადრე ახალი კოლექციიდან 50 სილუეტი მოიპარეს.
წითელ ხალიჩაზე, მოდის კვირეულსა და ოფიციალურ მიღებებზე, ჩვენი საყვარელი სელებრითების შეუდარებელი სტილის მომენტებს მიღმა, პირადი სტილისტები იმალებიან, რომლებიც ამ საკულტო ლუქების შემოქმედებად უნდა მივიჩნიოთ. სელენა გომესის პარიზული სილუეტებიდან დაწყებული, ადელის დახვეწილი საკონცერტო კოსტიუმებითა და ჰეილი ბიბერის Strawberry-Glaze ჩაცმულობით დამთავრებული, იმ 5 პირად სტილისტს წარმოგიდგენთ, რომლებიც ჩვენი საყვარელი ცნობილი ადამიანების სამოსს მიღმა დგანან.
პარიზის მოდის კვირეულის ფარგლებში, ეიფელის კოშკის ციალის ქვეშ, ენტონი ვაკარელომ Saint Laurent-ის 2024 წლის გაზაფხული/ზაფხულის კოლექცია წარადგინა. გასული სეზონის კოლექციისგან განსხვავებით, რომელშიც ვაკარელომ ჩაცმის ძლიერი სტილი განსაზღვრა და 80-იანი წლების მოდას თანამედროვე ადგილი მოუძებნა, დიზაინერმა ხედვა ახალი რაკურსით მიმართა და ყურადღება სტრუქტურასა და სიმარტივეზე გაამახვილა.
2024 წლის გაზაფხული-ზაფხულის სეზონის ჩვენებებზე ჩვენზე განსაკუთრებული შთაბეჭდილება ისეთმა დიზაინერებმა მოახდინეს, როგორებიც პრაბალ გურუნგი, მაქსიმილიან დევისი და რალფ ლორენი არიან. დღეს იმ 5 Must See მოდურ ტრენდს წარმოგიდგენთ, რომლებიც, დიდი ალბათობით, ჩვენი გარდერობების ნაწილიც გახდება.
ლენტის ბაფთა! არა იდეალურად სიმეტრიული, დაბუშტული ფორმა, არამედ უბრალოდ, თმაზე ხალვათად მოხვეული, ხელში შემთხვევით მოხვედრილი ქსოვილი - ეს 2023 წლის თმის დეკორის ერთ-ერთი მთავარი ტრენდია, რომელიც სულ ცოტა ხნის წინ ჩავლილ მოდის კვირეულებზე არა ერთმა დიზაინერმა გამოიყენა.
სიმონე მიშელინ ბოდინის სახელით დაბადებული გოგონა, 1950-იანი წლების დასაწყისში ბეტინად იქცა. ჟაკ ფატმა მის წინ მდგარ მოდელს განუცხადა: - „ჩვენ უკვე გვყავს სიმონე, შენ ბეტინად მეჩვენები“. სწორედ ასე დაერქვა პირველ ფრანგ სუპერმოდელს ის სახელი, რომლითაც ლამაზმანი მოდის ისტორიაშიც სამუდამოდ ჩაეწერა.
David Koma SS 2024-ის მთავარი სიმბოლო კი ვარდია. "ყვავილების დედოფალს" ინგლისურ კულტურაში სიმბოლური დატვირთვა აქვს. ის ტიუდორების ეპოქაში მშვიდობის ემბლემა გახლდათ.
