თბილისის ყველაზე ესთეტიკური რესტორნები
თბილისის ყველაზე ესთეტიკური რესტორნები – უნიკალური ინტერიერი, გემრიელი კერძები და განსაკუთრებული ატმოსფერო. აღმოაჩინეთ საუკეთესო კაფეები და რესტორნები, სადაც თანამედროვე ესთეტიკა ძველი თბილისის ხიბლს ერწყმის.
Dolce & Gabbana-ს 2025-2026 წლის შემოდგომა-ზამთრის კოლექცია, Cool Girls, ერთგვარი ოდაა ერთგულებას. დომენიკო დოლჩე და სტეფანო გაბანა ბრენდის მემკვიდრეობის ერთგული რჩებიან, თუმცა მას დახვეწილად უთავსებენ თანამედროვე სტილს.
ჩვენება მილანის Metropol Theater-ში გაიმართა - ოდესღაც კინოთეატრი, რომელიც დღეს Dolce & Gabbana-ს მრავალფუნქციურ სივრცედ იქცა ქალაქის ცენტრში. პოდიუმზე ქართველი მოდელი, მატილდა გვარლიანიც ვიხილეთ, თან არაერთხელ. პირველ ლუქში მას თეთრი, ხელოვნური ბეწვის ქურთუკი, oversize მაისური და ჩექმები ეცვა, ხოლო მეორე ლუქში, რომლითაც მან ჩვენება დახურა - ფერადი დეტალებით გაფორმებული მოკლე კაბა.
პოდიუმიდან ჩვენებამ ქუჩაში გადაინაცვლა, სადაც მოდელებს ათასობით აღტაცებული გულშემატკივარი და ადგილობრივები შეხვდნენ. მუსიკალური ჯგუფის Måneskin-ის წევრმა, ვიქტორია დე ანჯელისმა, ღონისძიება მუსიკალურად გააფორმა.
COOL GIRLS-ის იდეა
ამ სეზონის მთავარი კონცეფციაა „cool girls“. დიზაინერების ინსპირაციად ჩვენებისთვის შერჩეული მოდელები და მათი ცხოვრების სტილი იქცა: ვინტაჟური მაისურები და მაქმანიანი ტოპები, ჯინსის შარვლები ან სამხედრო სტილის შარვლები, ბაიკერის ჩექმები და ზემოდან მსუბუქად მოხვეული ქურთუკი. „ჩვენს ინსპირაციად ვიქტორია ჩერეტი, ირინა შეიკი, მონა ტუაგაარდი იქცნენ - ისინი რეალურ ცხოვრებაში ასე იმოსებიან" - გაბანა.
Dolce & Gabbana-ს ცნობილი მაქსიმალიზმი ამ კოლექციაშიც განსაკუთრებით იჩენს თავს: გადამეტებული მოცულობები, დრამატული ფორმები და ბეწვი.
ჯინსისა და მდიდრული ელემენტების ერთიანობა
კოლექციაში განსაკუთრებული ადგილი უკავია ჯინსს, მაგრამ არა უბრალო ჯინსს - Dolce & Gabbana-ს ჯინსის სამოსი სრულად ჯდება ბრენდის ფუფუნების ესთეტიკაში. ოქროსფერი და ბეწვის დეტალები სტანდარტულ ჯინსის ქურთუკებს ახალ სტილს ანიჭებს.
მკაცრი საოფისე ფორმების ნაზი დეტალებით გაფორმება ხაზს უსვამს ბრენდის ფილოსოფიას, რომ ხელახლა განსაზღვროს ყოველდღიური ელეგანტურობა.
Dolce & Gabbana-ს Cool Girls მხოლოდ სამოსს არ ეხება - ის ქალების დამოკიდებულების გამოხატულებაცაა. კოლექცია შეიქმნა იმ ქალებისთვის, რომლებიც თავდაჯერებულად ხვდებიან ცხოვრების კონტრასტებს - ძალაუფლება x ფემინურობა, ფუფუნება x მინიმალიზმი, ტრადიცია x თანამედროვე ინტერპრეტაციები. ეს არის გარდერობი ქალისთვის, რომელიც ყურადღებას იპყრობს ბუნებრივად და ის სამოსით მოგვითხრობს სიძლიერის, ელეგანტურობისა და შეუპოვრობის ისტორიას.
DOLCE & GABBANA-ს ერთგულება მომავლის მიმართ
Dolce & Gabbana ფეხს უწყობს თანამედროვეობას, ინარჩუნებს ფუფუნების ელემენტებს და ამავდროულად უარს ამბობს ბუნებრივი ბეწვის გამოყენებაზე. Cool Girls არსი ქალურობის ახლებური ხედვა, ელეგანტურობის ახლებური განსაზღვრა და იტალიური გლამურის იერსახის ცვლილებაა.
არ გამოგრჩეთ
ათენი: საუკეთესო ადგილები, მუზეუმები, რესტორნები და ღამის ცხოვრება
ათენი წლის ნებისმიერ დროს უნიკალურია – აღმოაჩინეთ ქალაქის ისტორია, კულტურა, გასტრონომია და ენერგიული ღამის ცხოვრება. გაიგეთ, რა უნდა მოინახულოთ, სად უნდა ისადილოთ და როგორ შეიგრძნოთ ათენის ავთენტური ატმოსფერო.
მატჩა – სილამაზისა და ჯანმრთელობის ბუნებრივი ელექსირი
მატჩა: ბუნებრივი ფორმულა სილამაზისა და ჯანმრთელობისთვის – მდიდარია ანტიოქსიდანტებითა და ვიტამინებით, ხელს უწყობს კანის გაწმენდას, თმის გაძლიერებას და დაბერების პროცესის შენელებას. მატჩა აუმჯობესებს მეტაბოლიზმს, ამცირებს შეშუპებას, იცავს კანს UV სხივებისგან და ხელს უწყობს კოლაგენის გამომუშავებას.