„ამერიკული დემოკრატია უპრეცედენტო შეტევის ქვეშაა. ესაა თავდასხმა თავისუფლების ციტადელზე“, - ჯო ბაიდენი
ამერიკა თავისუფლებისა და საკუთარი აზრისა თუ შეხედულებების გამოხატვის ყველაზე თავისუფალი სამყაროა. შეერთებული შტატები ჩვენი სამყაროს მამოძრავებელი ღერძია, შესაბამისად ნებისმიერი რყევა, რომელიც მას ეხება, მთელს სამყაროზე აისახება შემდგომ. ამიტომაც ვსხედვართ ჭოგრიტით და სხვადასხვა ქვეყნების პოლიტიკური ელიტა თუ უბრალოდ, ადამიანები გაფაციცებით ვადევნებთ თვალს წუხელ ღამე მომხდარ მოვლენებს.
დიახ, ამერიკელი ხალხი, ამერიკის თავისუფლების სიმბოლოს - კაპიტოლიუმს თავს დაესხა! მსგავსი რამ მხოლოდ ერთხელ 200 წლის წინ მოხდა, როდესაც ბრიტანელებმა სრულად გაანადგურეს კონგრესის შენობა. მაგრამ ეს იყო ბრძოლა ორ სუვერენულ ქვეყანას შორის.
მანამ, სანამ თქვენ, უფრო სწორედ კი სრულიად საქართველოს გვეძინა, მდიდარი ბიზნესმენით ანგაჟირებული ხალხი „საკუთარი ხმების“ დასაცავად საკუთარ თავს დაესხა და კონგრესში შეიჭრა, იქ, საიდანაც დემოკრატია იღებს სათავეს.
„ისტორიას მუდამ ემახსოვრება კაპიტოლიუმში მომხდარი დღევანდელი ძალადობა, რომელსაც მხარს უჭერს დონალდ ტრამპი. დღეს, რაც აქ მოხდა ეს არის უდიდესი უპატივცემულობა და სირცხვილი სრულიად ერისთვის”, - ბარაკ ობამა
თავდასხმა კონგრესზე მაშინ განხორციელდა, როდესაც ტრამპმა საკუთარ მომხრეებს მიმართა და განაცხადა, რომ არასოდეს დაუთმობდა „სავარძელს” დემოკრატიული გზით გამარჯვებულ, ამერიკის ახალ პრეზიდენტს - ჯო ბაიდენს. ამ დროს ტრამპის მომხრეები კაპიტოლიუმისკენ დაიძრნენ და შეტაკებაც მოხდა პოლიციასთან, რომელიც მათ შეკავებას ცდილობდა.
ამ დროისთვის აშშ-ის კონგრესმა სხდომა განაახლა, რომელიც ვიცე-პრეზიდენტმა მაიკ პენსმა გახსნა, მან კაპიტოლიუმში მომხდარი ძალადობა დაგმო. ხოლო Twitter-მა და Facebook-მა დონალდ ტრამპის ანგარიშები დროებით დაბლოკა. კომპანიებმა ეს გადაწყვეტილება მოქმედი პრეზიდენტის უსაფუძვლო განცხადებებისა და დედაქალაქში მომხდარი არეულობების ფონზე მიიღეს.
აღსანიშნავია, ის ფაქტი, რომ ამ არეულობის დროსაც კი, დიდ ამერიკას სამხრეთ კავკასიაში სტრატეგიული პარტნიორი - პატარა საქართველო ახსოვს. დემოკრატმა სენატორმა ჯინ შაჰინმა კონგრესში სიტყვით გამოსვლის დროს მთავრობის მშვიდობიანი გზით გადაბარებაზე საუბრისას მაგალითად 2012 წელს საქართველოში ჩატარებული არჩევნები მოიყვანა.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
