სუპერ საკვები - სუპერ თეფში

ბოლო პერიოდში ძალიან ხშირად ვხვდებით სხვადასხვა სტატიას, პოსტს თუ პროდუქტს წარწერით - Superfood. მეცნიერებაში არ არსებობს რაიმე კლასიფიკაცია, რომელიც პროდუქტს ამ სტატუსს მიანიჭებს, თუმცა, ნამდვილად არსებობს ცალკეული, სხვადასხვა შემადგენლობით განსაკუთრებით მდიდარი პროდუქტი, რომელიც  დაკავშირებულია წონის კორექციასთან ან სხვადასხვა დაავადების პრევენცია/მკურნალობასთან (ანტიოქსიდანტები, უჯრედისი, ცხიმოვანი მჟავები).

წლების წინ, როდესაც მეცნიერებმა და კვების ინდუსტრიის წარმომადგენლებმა აღმოაჩინეს, რომ Superfood წარწერის მქონე პროდუქტის გაყიდვების რაოდენობა მნიშვნელოვნად მაღალი იყო, მეცნიერებმა კვლევები ამ მიმართულებით კვლევები გააძლიერეს, ხოლო კომპანიებმა მარკეტინგულად გამოყენება დაიწყეს.

მიუხედავად იმისა, რომ არსებობს უამრავი სანდო კვლევა ცალკეულ საკვებზე და მათ დადებით თვისებებზე, ასევე არსებობს კვლევები, რომლის მიხედვითაც, მხოლოდ ერთი პროდუქტი, ცხოვრების სტილის შეცვლის გარეშე, დიდი ეფექტს ვერ გამოიწვევს. მაგალითად, ნიახურის დაწურული წვენი კანის მდგომარეობას ვერ გამოასწორებს, თუ დღის რაციონი შედგება მაკდონალდსის ბურგერისგან. ასევე,ზოგ შემთხვევაში, პროდუქტის მდიდარი თვისებები, არ ნიშნავს იმას, რომ თუ მას დიდი რაოდენობით მიიღებთ, ამით ეფექტი გაძლიერდება. მაგალითად, კარგად ვიცით ნივრის დადებით თვისებებზე, თუმცა მისი დიდი რაოდენობით მიღება, იწვევს ალერგიას და ასთმას.

იმისათვის, რომ მიაღწიოთ სასურველ შედეგს, ფოკუსი მოახდინეთ მთლიან რაციონზე და ჩართეთ მასში „სუპერფუდები“, ამასთან, რაც უფრო მრავალფეროვანი იქნება დიეტა ასეთი პროდუქტებით, მით უკეთეს შედეგს მიიღებთ. ეს მეთოდი დაგეხმარებათ მიიღოთ ყველა ნივთიერება შეძლებისდაგვარად ბალანსირებული რაოდენობით. დაიმახსოვრეთ, ორგანიზმისთვის მთავარი სწორედ ბალანსია.

ყურადღება ხილსა და ბოსტნეულზე გაამახვილეთ , შეეცადეთ დღიური რაციონის 50%-60% იყოს ცოცხალი პროდუქტი და დაიცავით კვების რეჟიმი

გამოიკვლიეთ ცალკეული პროდუქტები, მათი მომზადების წესები, აუცილებელი დეტალები, თავსებადობა, მათი ინდივიდუალური ზემოქმედება თქვენს ორგანიზმზე და ჩართეთ რაციონში.

გთავაზობთ 10 ცნობილ და გემრიელ სუპერფუდს: 

• მუქი მწვანე ბოსტნეული(მწვანილი)

• კენკრა

• მწვანე ჩაი

• პარკოსნები

• თხილეული და მარცვლეული

• ფერმენტირებული საკვები (მაგ. მჟავე კომბოსტო)

• ნიორი

• ზეითუნის ზეთი

• ჯანჯაფილი

• კურკუმა

• ავოკადო

• ტკბილი კარტოფილი

•სოკო

• წყალმცენარეები.

ჩამოთვლილი პროდუქტების, როგორც ბალანსირებული რაციონის ნაწილის გამოყენება, ნამდვილად გამოიღებს იმ შედეგს რასაც გვიმტკიცებს თითოეულ მათგანზე ჩატარებული კვლევა.