ქართული რაგბის ახალგაზრდა ვარსკვლავმა, დავით ნინიაშვილმა გასულ ღამეს რჩეულს ხელი სთხოვა. სპორტსმენის და მისი რჩეულის Instagram გვერდებზე ფოტო გამოჩნდა, სადაც მუხლზე დაჩოქილ ნინიაშვილს ხელში ნიშნობის ბეჭდის ყუთი უჭირავს. ცნობილი მორაგბის მეორე ნახევარი look models-ის მოდელი, ლინდა ინაშვილია.
ლინდამ, აპლიკაცია BeReal-ში გადაღებული ფოტო გაგვიზიარა, რომელშიც ერთი მხრივ ცალ მუხლზე დაჩოქილ დავით ნინიაშვილს ვხედავთ მეორე ფოტოში კი ლინდას ემოციებს ხელის თხოვნის დროს.
როგორც ჩანს, რაგბის მსოფლიო თასზე ასპარეზობის შემდეგ, ნინიაშვილს დრო გამოუჩნდა და მნიშვნელოვანი ნაბიჯიც გადადგა. მოგეხსენებათ, რომ 21 წლის ხაზის მოთამაშემ საქართველოს ეროვნულ ნაკრებთან ერთად საფრანგეთში 4 თამაში ჩაატარა და ნაკრებს ჯამში 11 ქულა მოუტანა. მორაგბის ბოლო, უელსთან დადებულ შთამბეჭდავ ლელოს გულშემატკივრებმა ხუმრობით Niniashvili airlines უწოდეს.
მიუხედავად იმისა, რომ ბორჯღალოსნებმა მსოფლიო თასზე ასპარეზობა ნაადრევად დაასრულეს, რამდენიმე ქართველ მორაგბესთან ერთად, დავით ნინიაშვილის თამაში რაგბი მსოფლიო მედიას შეუმჩნეველი არ დარჩენია. Rugby World Cup-ის Tik-Tok გვერდის ადმინისტრატორი კი აშკარად ნინიაშვილზეა შეყვარებული.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
