2022 წელი იმაზე დამაინტრიგებლად დაიწყო, ვიდრე წარმოგვედგინა. სატელევიზიო სივრცეში ერთ-ერთი ყველაზე პოპულარული სერიალის უკანასკნელი სერიის გამოსვლიდან მთელი ათწლეულის შემდეგ გაჩნდა ლოგიკური კითხვა: „სასოწარკვეთილი დიასახლისები“ ეკრანებზე ბრუნდებიან?
საქმე ის გახლავთ, რომ „სასოწარკვეთილი დიასახლისების“ სოციალურ ქსელებში ტელესერიალის მთავარი გმირების, დიდი ხუთეულის ფოტოსურათი გამოჩნდა. სადღესასწაულო კაბებში გამოწყობილი მსახიობების ფოტოსურათს კი ორაზროვანი აღწერა ერთოდა: „სასოწარკვეთით ველოდებით 2022 წელს“.
ახლა კი, ჩვენ და მილიონობით გულშემატკივარი მსოფლიოს გარშემო, სასოწარკვეთით ელოდება მნიშვნელოვან სიახლეებს იმის შესახებ, თუ რას უნდა ველოდოთ სერიალის შემქმნელებისგან - ახალ სერიებს? მსახიობების გაერთიანებას თუ რებუთს?
„სასოწარკვეთილი დიასახლისები“ ტელეეკრანებზე პირველი ეპიზოდით 2004 წლის 3 ოქტომბერს გამოჩნდა. ტელესერიალის მხოლოდ პირველმა სეზონმა Emmy-ს 7 ნომინაციიდან 6-ში გაიმარჯვა; მხოლოდ 8 დაუვიწყარი სეზონის შემდეგ, დასასრულს მიუახლოვდა და ერთ-ერთ ყველაზე ერთგულ მაყურებელს დაემშვიდობა.
ტერი ჰეტჩერმა, ფელისიტი ჰაფმანმა, მარსია კროსმა და ევა ლონგორიამ შექმნეს ისტორია, რომლის გაგრძელებასაც დღეს ყველანი მოუთმენლად ველით. თუკი გავიხსენებთ, რომ გასულმა წელმა Friends-ისა და Harry Potter-ის დიდი გაერთიანება გვაჩუქა და And Just Like That წარმოგვიდგინა, მაშინ „სასოწარკვეთილი დიასახლისების“ დაბრუნება ჩვენთან იმაზე რეალურია, ვიდრე ოდესმე.
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
