სექტემბრის ბოლოდან “ქართველობის” გამოჩენა კიდევ ერთხელ მოგვიწევს. მეგა მუსიკალურ პროექტში ჩვენი მორიგი თანამემამულე მიიღებს მონაწილეობას. ნინი ბრეგვაძე ამერიკული The Voice-ის სცენაზე გამოჩნდება.
ნინი საერთაშორისო მუსიკალური პროექტის ქართული ვერსიის - "ახალი ხმის" აღმოჩენაა. მომღერალმა The Voice of Georgia-ში მონაწილეობა ჯერ კიდევ 2012 წელს მიიღო. რამდენიმე წლის შემდეგ კი ქართულ X ფაქტორშიც გამოჩნდა.
ქართველმა მომღერალმა, რომელიც ბოლო წლებია ამერიკის შეერთებულ შტატებში ცხოვრობს და მოღვაწეობს, სიახლის შესახებ რამდენიმე დღის წინ, საკუთარი სოციალური ქსელების საშუალებით გვამცნო. ნინიმ The Voice-ის ახალი სეზონის კლიპიც გააზიარა, რომელშიც თავად შემსრულებელი ერთ კადრში ჩნდება, თუმცა კლიპს მთლიანად მის მიერ შესრულებული I see red დასდევს ფონად.
რაც შეეხება The Voice-ის წლევანდელ სეზონს, პროექტში დიდი ცვლილებაა. 12 წლის მანძილზე პირველად, მსაჯებს შორის ცნობილი ქანთრი მომღერალი - ბლეიკ შელტონი აღარ იჯდება. მის ნაცვლად წითელ სკამს ამავე ჟანრის ლეგენდარული მუსიკოსი - რება მაკენტაიერი დაიკავებს. მასთან ერთად 24-ე სეზონის კონკურსანტებს შორის საუკეთესო ხმას ჯონ ლეჯენდი,გვენ სტეფანი და ნილ ჰორანი აღმოაჩენენ.
The Voice-ის ახალი სეზონი სტარტს 25 სექტემბერს, NBC-ზე აიღებს, მომდევნო დღიდან კი სტრიმები Peacock-ის პლატფორმაზე განთავსდება. შოუ ტრადიციულად ბრმა კასტინგებით დაიწყება, სადაც ათობით მონაწილეს შორის ქართველ ნინი ბრეგვაძესაც ვიხილავთ.
Cat’s out of the bag!! Tune in starting 9/25 at 8P ET/ 7P CT to see how I do on The Voice!!! - წერს ინსტაგრამის პოსტში ნინი.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.