რიდლი სკოტის ახალი ფილმის House of Gucci-ს მსოფლიო პრემიერიდან, სულ რაღაც 1 კვირა გავიდა და მის გარშემო სკანდალები ყოველდღიურად მატულობს. მას შემდეგ, რაც გუჩის ოჯახის ისტორიის შესახებ მოთხრობილი ისტორია, მოდის სახლის ყოფილმა დიზაინერმა, ტომ ფორდმა საჯაროდ დაიწუნა (სხვათა შორის, დიზაინერმა ფილმი მის გამოსვლამდე აითვალწუნა და განაცხადა, რომ გუჩის ოჯახი ასეთი მოდური არასდროს ყოფილა), თავად გუჩის ოჯახის წარმომადგენლების კრიტიკაც მოჰყვა.
ალდო გუჩის ერთადერთმა ქალიშვილმა, პატრიცია გუჩიმ ფილმი ექსტრემალურად მტკივნეულად მოიხსენია, შემდეგ კი ალ პაჩინოს შესრულება დაიწუნა და განაცხადა, რომ მსახიობი სრულებით არ ჰგავდა მამამისს.
კრიტიკის ქარცეცხლში მოქცეული ფილმის დაცვა, ბუნებრივია, თავად რეჟისორმა - რიდლი სკოტმა აიღო თავის თავზე და Total Film-თან მიცემულ ინტერვიუში განაცხადა, რომ მან სცადა „პატივისცემით მოპყრობოდა რეალურ ფაქტებს“, თუმცა ვერაფრით დახუჭავდა თვალს იმ წერილებზე, რომლებიც „საოცრად შეურაცხმყოფელი“ კრიტიკით გამოირჩეოდა ალ პაჩინოს მიმართ.
„როგორ შეიძლებოდა ისინი [ფილმის გმირები] ვინმეს ალ პაჩინოზე უკეთ წარმოედგინა? ბოდიშს ვიხდი, რომ მათ წარმომადგენლებად მსოფლიოს საუკეთესო მსახიობები შევარჩიე“ - რიდლი სკოტი.
რეჟისორმა განაცხადა, რომ ფილმის დიდი ნაწილი კომედიური ჟანრისაა, განსაკუთრებით პირველი ნაწილი. ჯარედ ლეტოს მიერ შესრულებული პაოლო გუჩი ზუსტად ისეთია, როგორიც ის ფოტოებზე ჰყავთ ადამიანებს ნანახი. „კამერების წინ პაოლო ბევრს არ ლაპარაკობდა, ამიტომ მისი შექმნა თავად მოგვიწია... მისი ბრწყინვალება ჯარედ ლეტომ საუკეთესოდ წარმოაჩინა“ - დასძინა რიდლი სკოტმა ინტერვიუში.
შეგახსენებთ, რომ House of Gucci ბიოგრაფიული დეტალებით დატვირთული კრიმინალური დრამაა, რომელიც 1995 წელს ლეგენდარული იტალიური მოდის სახლის დამაარსებლის შვილიშვილის, მაურიციო გუჩის მკვლელობის შესახებ გვიამბობს. შესაძლოა ამ წამს დაგასპოილეროთ, თუმცა, თუ Gucci-ს ოჯახის ამ ტრაგიკული მოვლენის შესახებ უკვე გსმენიათ, ისიც გეცოდინებათ, რომ მკვლელობა მაურიციოს მეუღლემ, პატრიცია გუჩიმ შეუკვეთა.
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
