ყველა დროის ყველაზე ელეგანტური ქალების მაგალითზე დაყრდნობით, თამამად შეგვიძლია ვთქვათ, რომ საკულტო საათები, მარადიული კლასიკის გამოძახილს წარმოადგენენ. მხოლოდ ბრილიანტები როდი არიან ქალების საუკეთესო მეგობრები, საათებიც უკვდავ აქსესუართა რიცხვში ერთიანდებიან.
Rolex Datejust, დღესაც ისეთივე თანამედროვეა და მოთხოვნადია, როგორც მაშინ, როდესაც მას მონაკოს პრინცესა გრეის კელი ატარებდა. რაც ნათლად უსვამს ხაზს მისი გავლენის ძალას.
Rolex Datejust
Rolex-ის გაყიდვების ლიდერი 1945 წელს, ბრენდის 40-წლიანი საიუბილეო თარიღის აღსანიშნად შეიქმნა. რა ხდის ამ მოდელს ასეთ მნიშვნელოვანს? - ის ავტომატურად ცვლის თარიღს (DATEjust), რაც ახლა შესაძლოა სრულიად ჩვეულებრივ მოვლენად მოგეჩვენოთ, თუმცა საუბარია 40-იან წლებზე და იმდროინდელ როვოლუციაზე ტექნოლოგიაში, რამაც ისეთი უკუკავშირი შექმნა, რომ მოდელი დღემდე ყველაზე დიდი პოპულარობით სარგებლობს ბრენდის ისტორიაში.
Cartier Tank
ამ დიდებულსა და ელეგანტურ მოდელს Cartier-სგან, რომელიც ქალების სიყვარულს და პატივისცემას ათწლეულებია იმსახურებს, საინტერესო დასაბამი აქვს. მისი ისტორია სათავეს პირველი მსოფლიო ომის პერიოდში იღებს, როდესაც დახვეწილი აქსესუარი 1917 წელს სამხედრო ტანკის შთაგონებით იქმნება. მას შემდეგ Cartier Tank-ი ხდება ისეთი ქალების განუყრელი ატრიბუტი, როგორებიც ჟაკლინ კენედი, პრინცესა დიანა თუ მეგან მარკლი არიან.
Bulgari Serpenti
გველების აქსესუარებში გამოყენების ტრადიცია უძველესი დროიდან იღებს სათავეს და ფესვებს დედამიწის თითქმის ყველა კულტურასა და რელიგიაში პოულობს. თუმცა, როდესაც საქმე გველის ფორმის საათს ეხება, ყველას მხოლოდ Bulgari-ს საკულტო აქსესუარი გვახსენდება. დაგრეხილი მაჯის საათი, ელიზაბეტ ტეილორმა 1962 წელს კლეოპატრას გადასაღებ მოედანზე მიიღო საჩუქრად, თუმცა მას შემდეგ ხელიდან თითქმის არ მოუხსნია.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
