რუსეთისა და საქართველოს ურთიერთობა, ჯერ კიდევ სამეფო-სამთავროების პერიოდში დაიწყო. დაიწყო და მაშინვე გამოჩნდა რუსი მოხელეების, იმპერატორების და შემდგომ საბჭოთა მმართველების ღალატით, იმპერიალიზმითა და ორიენტალიზმით გაჟღენთილი, მჩაგვრელი პოლიტიკა. ჩვენს ქვეყანას რუსეთი ისტორიის არცერთ ეტაპზე არ აღიქვამდა თანასწორად, დამოუკიდებელ პოლიტიკურ ერთეულად და მუდმივად ჩასაფრებული იყო, საჭირო დროს, მოქმედებაზე გადასულიყო. სწორედ ასე, 1801 წლიდან ქართული სამეფო-სამთავროების ნელ-ნელა გაუქმების პროცესი დაიწყო. ამას მალევე მოჰყვა აჯანყებებები, პროტესტის ტალღა, თავისუფლებისთვის ბრძოლა. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც ისტორიას შემორჩა და დღესაც გვახსენებენ, თუ როგორი მომავლისთვის ღირს ბრძოლა.
აჯანყებები 1801 წლიდან დაიწყო: მთიულეთის, კახეთის, იმერეთის შეიარაღებული პროტესტები. შემდეგ კი ცნობილი 1832 წლის შეთქმულება, რომელიც აჯანყებაში ვერ გადაიზარდა.
გურიის სამთავროს გაუქმების შემდეგ, რუსმა მოხელეებმა გურული მოსახლეობის შევიწროება დაიწყეს. განსაკუთრებული პრობლემა კი ძალიან მაღალი გადასახადები იყო. მოსახლეობამ რუს მოხელეებს პარტიზანული თავდასხმებითა და აქტიური პროტესტით გაუწია წინააღმდეგობა.
1921 წელს საქართველოში წითელი არმია შემოიჭრა. 25 თებერვალი საქართველოს გასაბჭოების დღეა, დღე როდესაც კიდევ ერთხელ ჩაესვენა დამოუკიდებლობის მზე ჩვენს ქვეყანაში. თუმცა ბრძოლა არასდროს შეგვიწყვეტია. მალევე, ქაქუცა ჩოლოყაშვილმა "შეფიცულთა რაზმი" შექმნა და პარტიზანული ბრძოლები დაიწყო. მან რამდენიმე აჯანყებაც მოაწყო, თუმცა საბოლოოდ აჯანყებულები დამარცხდნენ, ნაწილი დახვრიტეს, ნაწილი გადაასახლეს.
1978 წელს, ქართული ენის სტატუსის დასაცავად თბილისში ხალხმრავალი დემონსტრაციები დაიწყო, რომლებმაც კულმინაციას 14 აპრილს მიაღწია. სტუდენტები უკან არ იხევდნენ და ამ შეუპოვრობამ შედეგიც გამოიღო. ქართულს სახელმწიფო ენის სტატუსი შეუნარჩუნდა.
თითოეული აჯანყება, შეთქმულება ან საპროტესტო გამოსვლა საქართველოს დამოუკიდებლობასთან აახლოებდა. კულმინაცია კი 9 აპრილი იყო, როდესაც უკვე ყველასთვის ცხადი რუსული სისასტიკე, კიდევ ერთხელ 21 თავისუფლებისთვის მებრძოლი სულის ტრაგედიით დამტკიცდა. დღეს ჩვენ მათი სახელობის ქუჩებზე, დამოუკიდებელ საქართველოში დავდივართ და მათი სისხლით მოპოვებული თავისუფლების შენარჩუნებას ვცდილობთ. ამ ფოტოს "გოგონა დროშით" შეერქვა და ნანა მახარაძე პრეზიდენტმა, სალომე ზურაბიშვილმა ღირსების მედლით დააჯილდოვა.
2019 წლის "გავრილოვის ღამე"
რუსი კომუნისტი დეპუტატის, სერგეი გავრილოვის ვიზიტს და მის პარლამენტში შესვლას, ბუნებრივია, საპროტესტო ტალღა მოჰყვა. პროტესტზე მომიტინგეებს ფიზიკურად გაუსწორდა გახარიას მთავრობა, მაკო გომურის თვალიც ამ აქციებს შეეწირა და უამრავი ადამიანი დაზარალდა.
ეს პროტესტი კი იმის აღმნიშვნელი იყო, რომ საქართველოში რუსი ოკუპანტების, მითუმეტეს დეპუტატების ადგილი არ არის და მათზე ქართული სტუმარ-მასპინძლობა არ ვრცელდება.
ბრძოლა გრძელდება... "რუსული კანონის" განხილვა ჯერ კიდევ ერთი წლის წინ, 2023 წლის მარტში დაიწყო. მაშინ პარლამენტმა ინიციატივა უკან გაიწვია, თუმცა ეს ყველაფერი ქართველი ხალხის შემართებით, შეუჩერებელი ძალითა და შეუპოვრობით მოხდა. მარტის აქციებზე სპეცრაზმის ჭავლს, გაზსა და ხელკეტებს არავინ შეუშინებია.
დღეს კი იმავე კანონს ვაპროტესტებთ. რუსეთის წინააღმდეგ პროტესტი გრძელდება, "ბრძოლის ველი" კი უცვლელია.
ქართველების ბრძოლა რუსული მმართველობის წინააღდეგ ერთ სტატიაში შეუძლებელია მოექცეს. ამ და სხვა თარიღებმა, თუ პროტესტის მონაწილეებმა დღევანდელობამდე მოგვიყვანა და მათი ღვაწლი არასოდეს უნდა დავივიწყოთ.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
