2021 წლის კვლევის მიხედვით, მსოფლიოს ყველაზე დიდი მარკეტინგული კომპანიების 75% 2025 წლისთვის Dream advertising-ის, ანუ სიზმრების რეკლამების ტექნოლოგიის ჩაშვებას გეგმავს. არ გეჩვენებათ! ისინი სარეკლამო კამპანიების ჩვენებას ჩვენთვის ძილის დროს აპირებენ. ტექნოლოგია იმის კონტროლის საშუალებას იძლევა, თუ რას ნახულობს ადამიანი ძილის დროს.
ეს წარმოუდგენელი იდეა 2021 წელს გაჩნდა, როდესაც Molson Coors-მა Super Bowl-თვის შექმნილი სპეციალური რგოლი გამოუშვა. ლუდის მწარმოებელი კომპანია ირწმუნებოდა, რომ ამ 91 წამიანი რგოლის რამდენიმეჯერ ყურებისა და საუნდტრეკის მოსმენის შემდეგ, ადამიანს თოვლიანი მთები და ლუდი დაესიზმრებოდა.
კომპანიამ მეცნიერებთან ერთად კვლევა ჩაატარა, სადაც კვლევის მონაწილეებს ძილის წინ სპეციალურად მომზადებულ ვიდეოს აყურებინებდნენ, ძილის დროს კი მათი ტვინის აქტივობას აკვირდებოდნენ. კომპანიამ მოგვიანებით Youtube-ზე ვიდეო გამოაქვეყნა, სადაც ახლად გაღვიძებული ადამიანები მათი სიზმრების შესახებ გვიყვებიან.
სწორედ ეს კვლევა გახდა მომავლის მარკეტინგის ერთ-ერთი ახალი იარაღის შექმნის მიზეზი. კამპანიის შემდეგ 38-მა დამოუკიდებელმა ექსპერტმა სტატია გამოაქვეყნა, სადაც მათი აზრით ძილის რეკლამები ახლო მომავლის რეალობას წარმოადგენდა. საერთაშორისო მარკეტინგული კომპანიები ჩვენს ძილში შემოღწევას 2025 წლისთვის გეგმავენ.
სინამდვილეში, ადამიანის სიზმრებში შეღწევა უკვე დიდი ხანია შესაძლებელია. რამდენიმე წლის წინ MIT ჯგუფმა ხელსაწყო, სახელწოდებით Dormio dream incubator შექმნა. ეს სამი სენსორის მქონე ხელსაწყოა, რომელიც ძილის ჰიპნაგოგიური ძილის ფაზაში ადამიანის ტვინში ხმოვან სტიმულაციას აგზავნის, რაც ჩვენს სიზმრებზე ახდენს გავლენას.
სიზმრებში შეღწევას დადებითი მხარეებიც აქვს, მაგალითად თერაპიული და საგანმანათლებლო კუთხით, მაგრამ მეცნიერები თვლიან, რომ ეს საკმაოდ სახიფათო სფეროა, ამიტომ სიზმრებთან ინტერაქციული კვლევების გასაკონტროლებლად, დამატებითი რეგულაციების დაწესებას ითხოვენ.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
