მოყვარული ფოტოგრაფების აღმოჩენაზე ორიენტირებული ციფრული პლატფორმა თბილისი კოლექტივი დიდი გამოფენა გაყიდვისთვის ემზადება. 1-ელი ივვლისიდან 7 თემატიკის მიხედვით განაწილებულ 7 სივრცეში, 60-მდე მოყვარული ფოტოგრაფის 200-მდე ნამუშევარი გამოიფინება.
10 მაისიდან, თიბისი კონცეპტის მულტიფუნქციური სივრცე, მარჯანიშვილის 7-ში, „ქოლგა თბილისი ფოტო 2022" -ის ფარგლებში, ხელოვან სანდრო სულაბერიძის გამოფენას „გარე თვალით დამკვირვებელი“ მასპინძლობს.
რუსეთ-უკრაინის ომის გამოცხადების დღიდან-დღემდე, ქართველი ხალხი უკრაინელ ერს უსაზღვრო მხარდაჭერას უცხადებს. იმის საჩვენებლად, რომ უკრაინელების ტკივილი დღეს ჩვენი ტკივილია და ქართველებს ისე, როგორც სხვას არავის კარგად ესმით რისი გადატანა უწევთ ამ 1 თვის განმავლობაში უკრაინელებს, სპონტანურად ფოტოპროექტი „ჩვენ ერთ ნავში ვართ“ დაიგეგმა.
18 მარტს, 2022 წლის „ქოლგა თბილისი ფოტო კვირეულის“ ფარგლებში, The Why Not Gallery ქართველი ფოტოგრაფის გიორგი ნებიერიძის სოლო გამოფენას „ყვავილები და მასობრივი განადგურების იარაღებს“ წარმოგვიდგენს.
ჯესიკა გრიფიტი ინგლისელი ნატურმორტის ფოტოგრაფია, რომლის პორტფოლიოც ნამდვილი ჯადოქრობებით არის სავსე. ტექნიკურად სრულყოფილი, იდეურად სრულფასოვანი და კომპოზიციურად დახვეწილი ფოტოები ჩვენი დღევანდელი დღის შთაგონებად იქცა და გადავწყვიტეთ, ჯესიკას სამუშაო პროცესის შესახებ მეტი ინფორმაცია შეგვეწყო და ჩვენი ერთგული მკითხველისთვისაც გაგვეზიარებინა.
თბილისის ფოტო ფესტივალისა და საქართველოს გოეთეს ინსტიტუტის თანამშრომლობით, დღეს, 23 დეკემბერს 16:00 საათზე, ცნობილი ქართველი ფოტოგრაფის დავით მესხის გამოფენა „უწონობისფერი“ იხსნება.
23 დეკემბერს, ცნობილი ქართველი ფოტოგრაფის გურამ წიბახაშვილის გამოფენა „პეპლები სტუმრად შუადღისას მოდიან“ იხსნება. გამოფენა ადამიანსა და გარემოს შორის შეუქცევადი ტრანსფორმაციის ორგანული კავშირის ასახვას ემსახურება, ის თბილისი ფოტო ფესტივალისა და თბილისის ფოტოგრაფიის & მულტიმედიის მუზეუმის მიერ არის ორგანიზებული და ფოტო ფესტივალის მე-12 გამოშვების დასკვნითი ღონისძიებაა.
ათწლეულების განმავლობაში ენი ლებოვიცი ქმნიდა მოდის ფოტოგრაფიის პირად ისტორიას, ისტორიას ცვლილებებზე, გარდაქმნებზე, ახლებური პერსპექტივიდან რეალობის დანახვაზე და ზღვარზე, რომელიც რეალურსა და არარეალურ სამყაროს შორის გადის. სწორედ ამ ათწლეულების გამოცდილებას და შეუდარებელ ფოტოკადრებს მოუყარა ენიმ თავი ახალ წიგნში, ფოტოებს, რომლებიც მისი კარიერის ყველაზე მნიშვნელოვან დეტალებს, პერიოდსა და ხედვას აღბეჭდავენ.
12-14 ნოემბერს თბილისში, მულტიმედია გამოფენების სერია „სიზმარი“ ბრუნდება! პროექტი, რომელიც ინდივიდის, სოციუმის და ბუნების ჰარმონიას ეხება, შთაგონების მთავარი წყარო კი, ოქროს კვეთის სპირალია, ხელოვნების სხვადასხვა სფეროში მომუშავე ექვსმა ხელოვანმა შექმნა. სპირალის თბილისის რუკაზე მორგებით, სხვადასხვა უბანში ექვსი საგამოფენო ადგილი შეირჩა.
პირველი მოგზაური ფოტოგრაფი, რომელმაც მე-20 საუკუნის დასაწყისში ევროპული მოგზაურობიდან მნიშვნელოვანი მომენტები, ყოველდღიური ცხოვრების სტილი, კულტურა, თავშეყრის ადგილები და პირადი ისტორია თაობებს ვერასკოპით გადაღებულ კადრებზე შემოუნახა - ქართველი გენერლის, მომღერლისა და ფოტოგრაფის, გიგლო ყარალაშილის 1905 - 1913 წლებში შექმნილი სტერეო ფოტოგრაფიის უნიკალური ნამუშევრების ხილვა „ქოლგა თბილისის“ ფოტოკვირეულზე მსურველებს 20 ნოემბრამდე შეუძლიათ.
