ELIE SAAB-მა 2024 წლის გაზაფხული/ზაფხულის კოლექცია, სახელწოდებით "მთვარის ჩრდილი", Palais de Tokyo-ში სავსე მთვარეობისას წარადგინა. ელეგანტური, ქარიზმატული და მთვარის ჩრდილის მატარებელი ELIE SAAB-ის ქალი თამამად მიჰყვება ღამის ნათებას. მან კარგად იცის, რომ ზურგს მთვარის შუქი და ხმელთაშუა ზღვის ესთეტიკა უმაგრებს.
Balenciaga SS24-ის ჩვენებაზე დემნას დედის გამოჩენას სოციალურ ქსელში გურამ გვასალიაც გამოეხმაურა: „ვამაყობ, Balenciaga-ს შოუ დედაჩემმა რომ გახსნა. სამწუხაროა, რომ მე არ ვიყავი მიწვეული, რათა ეს მომენტი საკუთარი თვალით მენახა. ვლოცულობ ჩემი ძმის სულისთვის. ღმერთმა დალოცოს ის“ - დაწერა მან.
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ფანტასტი მწერლების მიერ, ასეულობით წლის წინ გამოგონილი ტექნოლოგიები დღეს ნელ-ნელა რეალობად იქცევა. რამდენიმე დღის წინ, Meta-მ ჭკვიანი სათვალეების მეორე თაობა, Ray-Ban Meta Smart Glasses წარმოგვიდგინა. მარტივად, ბრძანების მიცემის შემდეგ, Ray-Ban Meta Smart Glasses-ის მფლობელებს Live ტრანსლაციის ჩართვა და კომენტარების პირდაპირ სათვალის ეკრანზე წაკითხვა ხელების გამოუყენებლად შეუძლიათ.
25 სექტემბერს, თბილისის ინდუსტრიულ ცენტრში, ლევან (ჭოლა) წულაძის ხელმძღვანელობით, თავისუფალი შემოქმედების კუნძული თეატრი „სახელოსნო 42“ გაიხსნა. ახალმა დამოუკიდებელმა თეატრალურმა სივრცემ პრემიერისთვის, უილიამ შექსპირის „ოტელო“ შეარჩია, რომლის ნახვა მაყურებელს, წერეთლის 114-ში, კოკა-კოლას ყოფილ ქარხანაში, ოქტომბრის ბოლომდე შეეძლება.
სერ მაიკლ გამბონი, რომლის სამსახიობო ოსტატობაც თეატრს, კინოსა და ტელევიზიას ერთნაირად დააკლდება, 82 წლის ასაკში გარდაიცვალა. არტისტი, რომელიც მილენიალებს ყოველთვის ალბუს დამბულდორის როლში გვემახსოვრება, პნევმონიის მიერ გამოწვეულ გართულებებს ემსხვერპლა.
უეს ანდერსონისა და როალდ დალის დუეტის ხსენებისას, ხშირად გაიგონებთ, რომ ამ ორის კოლაბორაცია მაღლა გადაწყდა, სხვაგვარად უბრალოდ შეუძლებელია იმის ახსნა, თუ როგორ გადაიკვეთა მაინც და მაინც იმ ორი ადამიანის გზები, რომლებიც თავიანთი შემოქმედებით, თითქოს და ერთმანეთს ავსებენ. Fantastic Mr. Fox-ის გამოსვლიდან 14 წლის შემდეგ, ფანტასტიკური უეს ანდერსონი როალდ დალის სხვა ისტორიის ადაპტაციასაც გვთავაზობს, თანაც ყველასათვის მოულოდნელად.
პარიზის მოდის კვირეული ცხელ ფაზაში გადავიდა, ჩვენებების ყოველი დღე და თითოეული ახალი შოუ ერთი-მეორეზე დიდებული და სანახაობრივია. გასულ ღამეს, Balmain-სთვის, 2024 წლის გაზაფხული/ზაფხული კოლექცია ოლივერ რუსტინგმა წარადგინა, ახალგაზრდა დიზაინერის შემოქმედებამ მნიშვნელოვანი გამოხმაურება დაიმსახურა, განსაკუთრებით მას შემდეგ, რაც გაირკვა, რომ ჩვენებამდე რამდენიმე დღით ადრე ახალი კოლექციიდან 50 სილუეტი მოიპარეს.
წითელ ხალიჩაზე, მოდის კვირეულსა და ოფიციალურ მიღებებზე, ჩვენი საყვარელი სელებრითების შეუდარებელი სტილის მომენტებს მიღმა, პირადი სტილისტები იმალებიან, რომლებიც ამ საკულტო ლუქების შემოქმედებად უნდა მივიჩნიოთ. სელენა გომესის პარიზული სილუეტებიდან დაწყებული, ადელის დახვეწილი საკონცერტო კოსტიუმებითა და ჰეილი ბიბერის Strawberry-Glaze ჩაცმულობით დამთავრებული, იმ 5 პირად სტილისტს წარმოგიდგენთ, რომლებიც ჩვენი საყვარელი ცნობილი ადამიანების სამოსს მიღმა დგანან.
პარიზის მოდის კვირეულის ფარგლებში, ეიფელის კოშკის ციალის ქვეშ, ენტონი ვაკარელომ Saint Laurent-ის 2024 წლის გაზაფხული/ზაფხულის კოლექცია წარადგინა. გასული სეზონის კოლექციისგან განსხვავებით, რომელშიც ვაკარელომ ჩაცმის ძლიერი სტილი განსაზღვრა და 80-იანი წლების მოდას თანამედროვე ადგილი მოუძებნა, დიზაინერმა ხედვა ახალი რაკურსით მიმართა და ყურადღება სტრუქტურასა და სიმარტივეზე გაამახვილა.
