ცნობილი Hollywood-ური წყვილის 5 წლიანი დავა ბავშვების მეურვეობასთან დაკავშირებით დასრულდა. სასამართლომ ანჯელინა ჯოლისა და ბრედ პიტს მათ ექვს შვილზე საერთო მეურვეობა დააკისრა.
ვარსკვლავები ერთმანეთს ოფიციალურად 2019 წელს დაშორდნენ. ჯოლის შვილებზე ერთპიროვნული მეურვეობის მოპოვება სურდა, თუმცა ლოს ანჯელესის სასამართლომ გადაწყვეტილება ორივე მშობლის სასარგებლოდ მიიღო.
რამდენიმე თვის წინ 47 წლის ანჯელინას მოსამართლის შეცვლის მცდელობა ჰქონდა. მსახიობის წარმომადგენლები იუწყებოდნენ, რომ სასამართლო მოხელემ მსახიობის მიერ წარდგენილი მტკიცებულებები უგულებელყო. ენჯი ამტკიცებდა, რომ პიტის მხრიდან მის მიმართ ძალადობას ჰქონდა ადგილი, რაც მათი ბავშვების თანდასწრებითაც მომხდარა.
გასულ წელს წყვილის უფროსმა ვაჟმა - მედოქსმა ჩვენება მამის წინააღმდეგ მისცა. პიტის წარმომადგენლის თქმით ეს მხოლოდ და მხოლოდ იმიტომ მოხდა, რომ ანჯელინამ ბავშვები მამის წინააღმდეგ განაწყო და ბრედისთვის გულის ტკენა სურდა. მიუხედავად იმისა, რომ ყოფილების განქორწინების პროცესი ოფიციალურად 2019 წელს დასრულდა, წყვილს სასამართლო დარბაზში ჯდომა მას შემდეგ არა ერთხელ მოუწია.
საბოლოოდ დავა ერთობლივი მეურვეობით დასრულდა. მსახიობებთან დაახლოებულ წრეში ამბობენ, რომ ყოფილი ცოლ-ქმარი ურთიერთობის დალაგებას ბავშვების ხათრით ცდილობს. ამის შესახებ ჯოლიმ ბრიტანული Vogue-სთვის მიცემულ ინტერვიუშიც ისაუბრა:
ვცდილობ რომ ოჯახი ისევ გავამთელო. ჯერ კიდევ დიდი გზა გვაქვს გასავლელი, მაგრამ მიზანი ესაა.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
