ჰოლივუდი ახალ შესაძლო წყვილზე ალაპარაკდა. ტელესერიალი HOUSE-ის ვარსკვლავი - ოლივია უაილდი და ჯგუფი One Direction-ის სოლისტი - ჰარი სტაილსი რამდენიმე დღის წინ, საერთო მეგობრის ქორწილში, ხელ ჩაკიდებულები დააფიქსირეს.
წყვილმა ცოტა ხნის წინ ერთად ახალ ფილმზე - Don't Worry Darling იმუშავა, რომლის რეჟისორიც თავად ოლივია გახლდათ. წყაროს თქმით, უაილდი და ჰარი ერთმანეთს უკვე რამდენიმე თვეა ხვდებიან და თავს ძალიან ბედნიერად გრძნობენ.
Page six-ის მიერ მოპოვებულ ფოტოებში უაილდი და სტაილსი ქორწილის მიღებაზე პირბადეებით შედიან. 36 წლის მსახიობს გრძელი, ყვავილებიანი კაბა აცვია, 26 წლის სტაილსი კი შავი ფერის კოსტუმშია გამოწყობილი. რამდენიმე ფოტოში კი ჰარი ახალ დაქორწინებულებთან ერთად თეთრი ხალათით პოზირებს.
ფილმის გადაღებები, რომელზეც წყვილმა ერთად იმუშავა, ლოს ანჟელესში მიმდინარეობდა. ამბობენ, რომ ჰარიმ და ოლივიამ შეხვედრა გადაღებების პირველივე თვეს დაიწყეს.
ოლივიასთვის ეს საქმროსთან დაშორების შემდეგ პირველი ურთიერთობაა.
მსახიობი მეორე ნახევარს - ჯეისონ სუდეიკისს 7 წლიანი თანაცხოვრების შემდეგ გასული წლის ნოემბერში დაშორდა. წყვილს 2 საერთო შვილი, 6 წლის ვაჟი - ოტის ალექსანდერი და 4 წლის ქალიშვილი - დეიზი ჟოზეფინა ჰყავს. უაილდი და სუდეიკისი 2012 წელს დაინიშნენ, მაგრამ ურთიერთობისთვის ოფიციალური სახე არ მიუციათ.
რაც შეეხება ჰარი სტაილსს, მუსიკოსი და მსახიობი Hollywood-ის ერთ-ერთი განთქმული მექალთანეა. მისი ყოფილების სიაში ისეთი ცნობილი სახეები შედიან, როგორებიც Victoria’s Secret-ის მოდელები - ქენდალ ჯენერი, კამილ როუ და სარა სამპაიო, როდ სტიუარტის ქალიშვილი - კიმბერლი სტიუარტი, The pussycat dolls-ის სოლისტი - ნიკოლ შერზინგერი, მომღერალი - ტეილორ სუიფტი და სხვები არიან.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
