დედოფალ ელისაბედ II-ისა და პრინცი ფილიპეს სიყვარულის ისტორია დისნეის საკუთარ ფილმს იმსახურებს. ამ ორის ჭეშმარიტი სიყვარულის ისტორია 73 წელს ითვლის და საინტერესო სასიყვარულო ისტორიებითაა სავსე.
ფილიპემ მომავალი დედოფლის ყურადღება ჯერ კიდევ 1939 წლის ზაფხულში მიიპყრო, როდესაც პრინცესა ელისაბედი 13 წლის იყო. იმ დროს საბერძნეთის პრინცი დიდი ბრიტანეთის პრინცესაზე მთელი ხუთი წლით უფროსი იყო და კარიერას სამეფო საზღვაო ფლოტზე გეგმავდა. მათი პირველი შეხვედრა დარტმუთის საზღვაო კოლეჯში შედგა, რომელსაც პრინცესა ელისაბედი და მისი და, პრინცესა მარგარეტი, მშობლებთან ერთად სტუმრობდნენ. სწორედ აქ გაიცნო ელისაბედმა თავისი ცხოვრების ნამდვილი სიყვარული. როგორც გოგოების აღმზრდელი იხსენებს, ელისაბედი პირველივე შეხვედრაზე მოიხიბლა ფილიპეს გარეგნობით, მისი ცისფერი თვალებითა და ღია ფერის თმით.
მიუხედავად იმისა, რომ ფილიპესა და ელისაბედის სიყვარული ორმხრივი იყო, წყვილის ნიშნობა 8 წლით გაიწელა. მხოლოდ 1947 წელს, მეორე მსოფლიო ომის დამთავრებიდან მცირე ხანში, სამეფო ნიშნობა როგორც იქნა შედგა. ამავე წლის ნოემბერში გაერთიანებულ სამეფოში პომპეზური საქორწინი ცერემონიალი გაიმართა. სამეფო ჯვრისწერა უესტმინსტერის სააბატოში გაიმართა.
ელისაბედ II-სა და პრინც ფილიპეს 4 შვილი, 8 შვილიშვილი და 8 შვილთაშვილი ყავთ. პრინცი ფილიპე ყოველთვის დედოფლის გვერდითაა და მუდამ გამოხატავს საკუთარ მხარდაჭრას მის მიმართ. სამეფო წყვილმა ერთად მოიარა მთელი მსოფლიო ავსტრალიიდან ამერიკამდე, აფრიკიდან ინდოეთის ჩათვლით ბრიტანულ ერთა თანამეგობრობის დროშის ქვეშ.
პრინცი ფილიპე დედოფალს ხშირად „ლილიბეთით" ან „საყვარელოთი" მიმართავს
შესაძლოა ელისაბედი ერთ-ერთი უდიდესი სახელმწიფოს დედოფალი იყოს, ფილიპე კი საბერძნეთის, დანიისა და გაერთიანებული სამეფოს პრინცი, მაგრამ სამეფო დარაბებს მიღმა ისინიც ჩვენნაირი ადამიანები არიან, მათაც ჩვენსავით უხარიათ, მათაც სწყინთ, ტირიან, იცინიან და უყვართ ჩვენსავით.
“ჩემს სოციალურ მედიაში მოიმატა აგრესიული ბოტების კომენტარები. ამ ბოტების ყველაზე დიდი ნაწილი ჩემს ეროვნებას დამაკნინებელ კონტექსტში იყენებს.” - ნატალია ყიფშიძე სოციალურ ქსელში თავის სათქმელს გვიზიარებს. ეს პირადი ამბავი, რეალურად საქართველოში არსებული პრობლემის შეხსენებაცაა, რაზეც საუბარი არასდროს უნდა შევწვიტოთ.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
