ოქროსფრად შემოსილი წინანდლის მამული ჯაზისა და ღვინის დღესასწაულისთვის ემზადება. ღვინობის თვის 14-ში, ალექსანდრე ჭავჭავაძის მამულის კარი „ჯაზისა და ღვინის ფესტივალისთვის“ გაიღება. წელს, ღონისძიებაზე, სტუმარი ქვეყნის სტატუსით, იტალია იქნება წარმოდგენილი.
„ჯაზისა და ღვინის ფესტივალი“ 14 ოქტომბერს, 13:00 საათზე, ტრადიციულად, ღვინის დეგუსტაციით აიღებს სტარტს. ფესტივალში მონაწილეობას 30-მდე მეწარმე მიიღებს, მათ შორის, მცირე ზომის კომპანიები და საოჯახო მეღვინეობები. როგორც ყოველთვის, ფესტივალი როდუქციის ფესტივალის ფარგლებში გამოფენისა და პოტენციურ მყიდველებთან წარდგენის საშუალებას მცირე ბიზნესს წელსაც მისცემს.
მუსიკალური პროგრამა, ღვინის დეგუსტაციას მალევე შეუერთდება. 14:00 საათზე, ამფითეატრის სცენაზე, იტალიური ბენდის Salt Peanuts Show-ის შოუა დაგეგმილი, რომელსაც სპეციალური სტუმარი, სარა ჯეინ გიოტი ეყოლება. ბენდის ჯაზისა და როკ-ენ-როლის მიქსით ტკბობას ფესტივალის სტუმრები სამი საათის განმავლობაში შეძლებენ, 17:00 საათზე კი მათ სტუმარი ქვეყნის, იტალიის შეფ მზარეულის მაურიციო სიცილიანოს საფირმო კერძების დაგემოვნების საშუალება მიეცემათ.
უკვე საინტერესოდ ჟღერს, არა? თუმცა ყველაფერი ჯერ კიდევ წინ არის... 19:00 საათზე მუსიკალური დღესასწაული ბოლრუმის სცენაზე გადაინაცვლებს, სადაც მსმენელის წინაშე ამერიკელი მესაყვირის, თეო ქროკერის და მისი კვარტეტის კონცერტია დაგეგმილი.
კულმინაციური მომენტისთვის, ფესტივალი ისევ ამფითეატრის სცენაზე გადაინაცვლებს, სადაც მსმენელის წინაშე გერმანული მუსიკალური დუეტი Mo’ Horizons წარდგება.
ჯაზისა და კულინარიის მოყვარულებისთვის, 14 ოქტომბერი კალენდარზე მოსანიშნი თარიღია, არგამოსატოვებელ ღონისძიებაზე მოსახვედრად კი გირჩევთ ბილეთები ახლავე შეიძინოთ.
Met Gala დიზაინერებისა და სტილისტებისთვის უმნიშვნელოვანესი მოვლენაა. ერთ-ერთი ცნობილი, სტილისტი კუმი კრაიგი გახლავთ, რომელიც წლებია ცნობილი ადამიანების გარეგნობაზე ზრუნავს. წელსაც მისი ხელწერა დაეტყო ირლანდიელი მსახიობის, ჯეიმი დორნანის ლუქს. სტილისტმა მსახიობის ვარცხნილობისთვის American Crew'ს პროდუქცია გამოიყენა.
გამოფენა “საწამლავი წყვილისთვის” ინსპირაციას არტისტის ამავე სახელწოდების მქონე შავ-თეთრი ფოტოსგან იღებს, რომელზეც ორი ვინტაჟური სუნამოს ბოთლია გამოსახული. ექსპოზიცია ქეთი კაპანაძის შემოქმედების ადრეულ პერიოდს მიუყვება და იმ ნამუშევრებს წარმოგვიდგენს, რომლებიც საქართველოში პირველადაა გამოფენილი.
კანის კინოფესტივალი, ერთ-ერთი ყველაზე ძველი საერთაშორისო კინოფესტივალი, საფრანგეთის სამხრეთში ყოველწლიურად იმართება. ის 77 წლის შემდეგაც არ კარგავს აქტუალობას და დღემდე კინოინდუსტრიის მთავარი მოვლენაა. მანამ, სანამ წლევანდელი ფესტივალი დაიწყება, მისი დაარსების ისტორიის უცნობ და საინტერესო დეტალებზე გიამბობთ.
