მერსედეს-ბენც მოდის კვირეულის ციფრულ ფორმატში, მისტიკური და ამოუხსნელი BLIKVANGER-ის ჯერიც დადგა, ბრენდის გამორჩეული ხელწერა და ინდივიდუალური ხედვა ვირტუალური სივრცის ნახვისთანავე გამოიკვეთა, რაც ბუნებრივია, 2021 წლის შემოდგომა/ზამთრის კოლექციამაც განავრცო.
ნათელი ფერთა გამა, თავისუფალი სტილი თუ გამოკვეთილი სილუეტები, კლასიკური ორეულები და ყოველდღიური, ნაქსოვი მოსაცმელები - BLIKVANGER-ის ხელწერა თანამედროვეობას და მსოფლიო ტრენდებსაა მორგებული, თუმცა მცირედი სახეცვლილებით. პოდიუმზე ერთი-მეორის მიყოლებით ფერადლინზებიანი მოდელები გამოდიან, თეთრ-წითელი სავსე მთვარის ფონზე.
BLIKVANGER ინსპირაციას იღებს ყველაფრისგან რაც ხდება და არსებობს სამყაროში, მაგალითად: ბუნება, სიზმრები, კინო, არქიტექტურა, მუსიკა, ხელოვნება და ა.შ.
BLIKVANGER არასდროს არ არის მკაცრად ორიენტირებული ერთ კონკრეტულ მიმართულებაზე და მასში ეს ყველაზე მეტად გვხიბლავს. გარდა იმისა, რომ ბრენდის მთავარი კონცეფცია მოიცავს რაც შეიძლება მეტ თავისუფლებას, სითამამეს, ის ყოველთვის ცდილობს რომ ადამიანებს თავის კოლექციებით მოუწოდოს რომ იყვნენ გაბედულები, იარონ წინ, თავიანთი ოცნებები არასდროს დაივიწყონ და მაქსიმალურად გამოხატონ საკუთარი შინაგანი სამყარო.
"ადამიანი შინაგანად ძალიან მრავალფეროვანი, ზღაპრული და საინტერესო არსებაა, ეს განსაკუთრებით მის ბავშვობის წლებში იგრძნობა. დროთა განმავლობაში უმრავლესობა იცვლება, ივიწყებს საკუთარ ოცნებებს და თავს იზღუდავს. თითქოს კეტავენ იმ კარებს, რომელიც მიღმაც ბავშვობაში ჯადოქრობები ხდებოდა. BLIKVANGER-ს უნდა რომ ყველასთან შეაღოს ეს ჩაკეტილი კარი და გახადოს ადამიანები თამამები, ფერადები ზღაპრულები, გაბედულები და მხიარულები. ნუ დაუწესებთ თავებს შეზღუდვებს და სტანდარტებს, იყავით გაბედულები"
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
