ამერიკული მეგაპროექტების დაპყრობის დროა! შტატებში მცხოვრები ქართველი მუსიკოსი ნინი ბრეგვაძე სასცენო სახელით ცნობილი, როგორც Nini Iris, ამერიკული The Voice-ის სცენაზე გასულ ღამეს გამოჩნდა. ბრმა მოსმენაზე, ნინიმ, ნამდვილი ფურორი მოახდინა და სულ რამდენიმე წამში ჟიურის ოთხივე წევრის მონუსხვა მოახერხა.
Everybody Loves an Outlaw-ის "I See Red-ის" განსაცვიფრებელი შესრულების პირველივე აკორდებისთანავე, ნინის, გვენ სტეფანი და ნაილ ჰორანი მოუბრუნდნენ, მალევე წითელ ღილაკზე ხელი ჯონ ლეჯენდსაც წასწვდა, ცდუნებას ვერც რება მაკენტაირმა გაუძლო და 27 წლის ნინი ბრეგვაძის პირისპირ ჟიურის ოთხივე წევრი აღმოჩნდა.
სიმღერის დასრულებისთანავე, ნინიზე „ნადირობა“ და საკუთარ გუნდში გადაბირების მცდელობა დაიწყო. ნაილს არ დაუმალავს, რომ მუსიკოსისთვის სერიოზულად იბრძოლებდა და ისიც ხმამაღლა განაცხადა, რომ შესაძლოა ნინიში, „პოტენციურ გამარჯვებულს ვუყურებდეთ“, რთულია არ დაგეთანხმოთ, ნაილ. რებამ ქართველი მონაწილის გამოსვლას „აბსოლუტურად შთამბეჭდავი“ უწოდა, გვენმა კი დასძინა, რომ ნინის თავდაჯერებულობა ძალიან ბუნებრივია.
ჟიურსითან საუბრისას, ნინიმ ხაზგასმით აღნიშნა, რომ ქვეყანა Georgia-დან იყო, რასაც, ჯონ ლეჯენდის დამაჯერებელი პასუხი მოჰყვა „აღმოსავლეთ ევროპიდან“.
Nini Iris შესახებ, მსოფლიო დონის ვარსკვლავებთან და მილიონობით მაყურებელთან ერთად შევიტყვეთ ისიც, რომ მომღერალი ბოლო 7 წელია ამერიკაში ცხოვრობს და გვენ სტეფანის დიდი გულშემატკივარი და One Direction-ის კიდევ უფრო დიდი ფანი იყო. მიუხედავად იმისა, რომ NBC-მ დიდი ინტრიგა დაგვიტოვა და არ გაგვიმხილა, ვის გუნდში არჩია Nini Iris-მა ბრძოლა, დარწმუნებული ვართ, რომ ის, უდავოდ, სწორ არჩევანს გააკეთებდა.
ამერიკული The Voice-ის 24-ე სეზონში გუნდები უკვე იქმნება, ოთხივე მწვრთნელს თავის მხარეს 6 მონაწილე ჰყავს გადაბირებული, წინ კიდევ 3 ბრმა რაუნდი გველოდება, პროექტის შემდეგ ეტაპზე კი დიდი ბრძოლისთვის უნდა მოვემზადოთ.
Met Gala დიზაინერებისა და სტილისტებისთვის უმნიშვნელოვანესი მოვლენაა. ერთ-ერთი ცნობილი, სტილისტი კუმი კრაიგი გახლავთ, რომელიც წლებია ცნობილი ადამიანების გარეგნობაზე ზრუნავს. წელსაც მისი ხელწერა დაეტყო ირლანდიელი მსახიობის, ჯეიმი დორნანის ლუქს. სტილისტმა მსახიობის ვარცხნილობისთვის American Crew'ს პროდუქცია გამოიყენა.
გამოფენა “საწამლავი წყვილისთვის” ინსპირაციას არტისტის ამავე სახელწოდების მქონე შავ-თეთრი ფოტოსგან იღებს, რომელზეც ორი ვინტაჟური სუნამოს ბოთლია გამოსახული. ექსპოზიცია ქეთი კაპანაძის შემოქმედების ადრეულ პერიოდს მიუყვება და იმ ნამუშევრებს წარმოგვიდგენს, რომლებიც საქართველოში პირველადაა გამოფენილი.
კანის კინოფესტივალი, ერთ-ერთი ყველაზე ძველი საერთაშორისო კინოფესტივალი, საფრანგეთის სამხრეთში ყოველწლიურად იმართება. ის 77 წლის შემდეგაც არ კარგავს აქტუალობას და დღემდე კინოინდუსტრიის მთავარი მოვლენაა. მანამ, სანამ წლევანდელი ფესტივალი დაიწყება, მისი დაარსების ისტორიის უცნობ და საინტერესო დეტალებზე გიამბობთ.