ზაჰა ჰადიდი - არაბული წარმომავლობის ბრიტანელი დიზაინერი და არქიტექტორი, პირველი ქალი, რომელმაც Pritzker Architecture Prize-ის ჯილდო დაიმსახურა, მრუდის დედოფალი, რომელმაც არქიტექტურული გეომეტრია სრულად გაათავისუფლა და მას ახალი გამომსახველობითი იდენტობა მიანიჭა.
ზაჰა ჰადიდი ყველა დროის, ერთ-ერთ ყველაზე დიდ რევოლუციონერ არქიტექტორად ითვლება მსოფლიოში, 65 წლის ასაკში, მოულოდნელ გარდაცვალებამდე, ზაჰამ მოახერხა და შექმნა ყველაზე შთამბეჭდავი, მომაჯადოებელი და კონცეპტუალური ნამუშევრები არქიტექტურის ისტორიაში.
არ ვფიქრობ, რომ არქიტექტურა მხოლოდ თავშესაფარია, მას უნდა ჰქონდეს უნარი აღგვაფრთოვანოს, დაგვამშვიდოს და მოგცეს ფიქრის საშუალება
თავად ზაჰა ჰადიდის თქმით, მისი ინტერესი არქიტექტურის მიმართ მას შემდეგ გაჩნდა, რაც მან ბილბაოში გუგენჰაიმის მუზეუმი იხილა, რომლის დიზაინიც ფრენკ გერის ეკუთვნოდა. მას შემდეგ, რაც 2003 წელს ზაჰამ, ცინცინატიში Contemporary Arts Center-ის შექმნაში მიიღო მონაწილეობა, მისი იდეებისა და შემოქმედებითი ხედვის გადატანა არქიტექტურაში აქტიურად დაიწყო.
ადამიანები ამბობენ რომ საკულტო არქიტექტურულ დიზაინებს ვქმნი. თუკი ჩემ მიერ შექმნილი დიზაინი საკულტოდ იქცევა - ეს მართლაც საოცარია.
ზაჰა ჰადიდის მთავარი სურვილი არქიტექტურაში არსებული ნორმების დარღვევა, კანონების განადგურება და ჩარჩოებს გარეთ ფიქრის დაწყება იყო, რაც ზაჰამ მალევე მოახერხა. მან ტრადიციული გეომეტრიული სიმეტრიების რღვევა დაიწყო და არქიტექტურაში მკვეთრი კუთხეები და მომრგვალებული ხაზები შემოიტანა.
მიუხედავად იმისა, რომ ზაჰა ჰადიდი 65 წლის ასაკში, ჯერ კიდევ კარიერის მწვერვალში ყოფნის დროს გარდაიცვალა, მან მოახერხა და ფუტურისტული არქიტექტურის განძი დაგვიტოვა. ზაჰას ყველაზე მნიშვნელოვან პროექტებს მიეკუთვნება: ვიტრას სახანძრო სადგური გერმანიაში, როზენთალის თანამედროვე ხელოვნების ცენტრი ცინცინატიში, ჰონჰაიმ-ნორზის ტერმინალი და სადგური საფრანგეთში და ორდრუპგაარდ-ანექსი დანიაში.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
