The Grand Budapest Hotel ვეს ანდერსონის შემოქმედებაში ერთ-ერთი ყველაზე დიდებული ქმნილებაა, რომელმაც გამოსვლის დღიდან - დღემდე, საშუალება მოგვცა, დროდადრო რეჟისორის გონებაში შექმნილ წარმოსახვით სამყაროში ჩავკარგულიყავით და ზუბროვკას რესპუბლიკის ნოსტალგიური, რთული სამყაროს დინებისთვის მიგვედევნებინა თვალი, რომელიც არა მხოლოდ მე-20 საუკუნის აღმოსავლეთ ევროპის პრობლემურ ისტორიას ასახავს, არამედ La Belle Epoque-ის ექოსაც წარმოადგენს.
ზუბროვკას რესპუბლიკა წარმოსახვითი სამყაროა აღმოსავლეთ ევროპაში. მისი შექმნის იდეა გენიალურ ვეს ანდერსონსა და უგო გინესს ეკუთვნით. თუმცა, მსგავსი ბრწყინვალების შექმნა დიდ შთაგონებასაც საჭიროებს, რომელსაც ანდერსონმა შტეფან ცვაიგის რომანებსა და ევროპის სხვადასხვა ქვეყანაში მიაგნო.
ნოსტალგიური სამყაროს გასაცოცხლებლად, The Grand Budapest Hotel-ის გადაღებები აღმოსავლეთ ევროპის სხვადასხვა ქალაქში მიმდინარეობდა, თუმცა, ფილმის დიდი ნაწილი გერმანიის ერთ-ერთ ყველაზე პოპულარულ გერლიცში გადაიღეს - ქალაქში, რომელიც აქამდე არა ერთი სხვა ფილმის, მათ შორის Inglourious Basterds-ის, The Reader-ის, The Book Thief-ისა და The Monuments Men-ის შთაგონების წყარო და გადასაღები მოედანიც გამხდარა.
Görlitzer Warenhaus
მიტოვებულმა უნივერმაღმა არტ ნუვოს სტილში - სახელად Görlitzer Warenhaus - ნახვისთანავე მოაჯადოვა ვეს ანდერსონი. ის იმდენად გაოცებული და იმავდროულად შთაგონებული ყოფილა ამ ადგილით, რომ გადაწყვეტილება უმოკლეს დროში მიიღო და სულ რაღაც 4 თვეში, მიტოვებული უნივერმაღი The Grand Budapest Hotel-ად იქცა.
ვეს ანდერსონის ხედვის მიხედვით, დიზაინერების ჯგუფმა განსაცვიფრებლად გარდაქმნა Görlitzer Warenhaus-ის დიზაინი და ის უნიკალურ სასტუმროდ აქცია.
The Grand Budapest Hotel-ის ექსტერიერი, მისი ვიზუალური მხარე ვეს ანდერსონმა ბიბლიოთეკაში, 1920-30-იანი წლების ფოტოქრომის პრინტების თვალიერებით შექმნა. რეჟისორის იდეებით, ფოტო პრინტებითა და აღმოსავლეთ ევროპის ღირსშესანიშნაობებით შეიკრა სურათი, რომელიც ფილმის ხსენებისას პირველი ამოგვიტივტივდება გონებაში.
ფილმის დეკორაციების ინსპირაციად, გერმანიისა და ჩეხეთის რესპუბლიკის სასტუმროები და სპა-ცენტრები იქცნენ, ისეთები, როგორებიც Hotel Adlon-ა ბერლინში, Grandhotel Pupp-ი კარლოვში და Savoy Hotel-ი ლონდონში. რაც შეეხება The Grand Budapest Hotel-ის ვარდისფერ ექსტერიერს, ის აგრეთვე შთაგონების ნაყოფი გახლავთ და ამისთვის კარლოვის 2 მშვენიერ სასტუმროს: Grandhotel Pupp-სა და The Palace Bristol Hotel-ს უნდა ვუმადლოდეთ.
MENDL’S
თუ The Grand Budapest Hotel ნანახი გაქვთ, მაშინ შეყვარებული იქნებით Mendl’s-ის ულამაზეს ნამცხვრებზე, რომლებსაც მშვენიერი აგატა ამზადებს. საცხობის ინტერიერის კადრები მე-19 საუკუნის ცნობილ ქარხანაში - Pfunds Molkerei-შია გადაღებული; ექსტერიერის კადრებისთვის კი გადაღებები ისევ გერლიცში, ერთ-ერთი საცხობის წინ მიმდინარეობდა.
ZWINGER MUSEUM
ფილმის ერთ-ერთი ყველაზე დაძაბული სცენა გერმანიაში, დრეზდენის Zwinger Museum-ში გადაიღეს. Zwinger Museum ყოფილი როკოკოს სასახლეა, რომელიც მე-18 საუკუნეში აშენდა საქსონიაში გარე სასამართლო დღესასწაულების მოსაწყობად და პრაქტიკულად განადგურდა მეორე მსოფლიო ომის დროს. ფილმის გადაღებებისთვის Zwinger Museum ხელოვნების მუზეუმად გადაკეთდა და ეკრანიზაციას ნამდვილად შემატა ყველაზე დასამახსოვრებელი და დიდებული კადრი.
THE STADTHALLE
გახსოვთ სასტუმროს დიდებული რესტორანი, სადაც მოხუცი ზერო ახალგაზრდა ავტორს (ჯუდ ლოუ) უყვება მ. გუსტავთან მეგობრობის ამბავს? რესტორნის ფილმის ეპიზოდი რეალურად Stadthalle-შია გადაღებული. შენობა, რომელიც 1910 წელს აშენდა, წლების განმავლობაში იყო დაკეტილი, სანამ ის Anderson & Company-მ არ აღმოაჩინა და ხანგრძლივი მოლაპარაკებების შემდეგ, ძველი Stadthalle ბრწყინვალე სასადილო ოთახად არ გადააკეთა.
პრაღა - ქალაქი, რომელმაც რეალურად შთააგონა ანდერსონი
ზუბროვკას რესპუბლიკის მიღმა არაერთი ცნობილი ლოკაცია დგას, რომელთა დიდი ნაწილიც დღეს გაგაცანით, მაგრამ, განსაკუთრებული ინფორმაცია ბოლოსთვის შემოვინახეთ. მიუხედავად იმისა, რომ გადაღებების უმეტესი ნაწილი გერმანიაში, საქსონიის რეგიონში მიმდინარეობდა, ვეს ანდერსონმა აღიარა, რომ წარმოსახვითი სამყაროს რეალური შთაგონება პრაღა გახდა.
პრაღა ის ქალაქია, რომელმაც ჩვენი ისტორიის შექმნისთვის შთამაგონა... ეს არის საოცრად სანახაობრივი ქალაქი, აქ ყოფნის დროს უბრალოდ გიჩნდება განცდა, რომ ისტორია შენ წინ დგას - ვეს ანდერსონი.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
