ეს ის მომენტია, რომელსაც ხშირად გაიხსენებენ! 20 მარტს თბილისში, ონლაინ ჟურნალი - TheDiary-ისა და ცნობილი იტალიური ბრენდის - Replay-ის ერთობლივი, კონცეპტუალური ღონისძიება გაიმართა. ბრენდი, რომლის ისტორიაც 1978 წლიდან იწყება, ორიგინალურ და ელეგანტურ, ყოველდღიურ სამოსს ახლა უკვე ქართველ მომხმარებლებსაც სთავაზობს. Replay ქართულ ბაზარზე ICR ჯგუფთან თანამშრომლობით შემოვიდა, ბრენდის პირველი ოფიციალური მაღაზია კი 16 მარტს, სითი მოლში გაიხსნა.
TheDiary-სა Replay-ის ერთობლივი ღონისძიება ბრენდის წარდგენის წვეულება გახლდათ, რომელსაც ქართველი ინფლუენსერები, ბიზნესმენები, მსახიობები, მოდისა თუ სპორტის წარმომადგენლები ესწრებოდნენ. სტუმრების გრძელ სიაში იყვნენ რაგბის კავშირის წარმომადგენლები და ეროვნული ნაკრების მორაგბეები, აგრეთვე იტალიის საელჩოს წარმომადგენლები და თავად იტალიის ელჩი საქართველოში - მასიმილიანო დ’ანტუონო, რომელმაც ბრენდს ქართულ ბაზარზე დამკვიდრება მიულოცა და მომავალში წარმატება უსურვა.
ღონისძიების კონცეფცია, თავად ბრენდის სახელწოდებიდან გამომდინარეობს - A Moment to Replay. იდეა ბრენდის სამოსით შექმნილ დაუვიწყარ მომენტებს გამოხატავს, რომელთა “გადახვევაც”, განმეორებაც გვსურს. ღონისძიების მთავარი მიზანიც სწორედ ამგვარი მომენტების შექმნა იყო.
საღამოზე ქართველი დიზაინერის - ლუკა მიქაძის პერფორმანსიც შედგა. ცნობილმა მოდელმა - ლიკუნა მეტრეველმა Replay-ის სამოსი მოირგო, დიზაინერმა კი ჯინსის "ლუქი" კიდევ უფრო პერსონალურად აქცია.
წვეულების მთავარი აქტივობა მოწვეული სტუმრების მიერ Replay-ის ლუქების მორგებასა და განსაკუთრებული მომენტების მათივე სოციალურ ქსელებში გამოქვეყნებას გულისხმობდა. ღონისძიების დასასრულს კი Replay-მ და ICR-ის ჯგუფმა საუკეთესო მომენტების ავტორებს საჩუქრებიც გადასცეს.
Replay-ის საქართველოში გამოჩენა მართლაც ერთ-ერთი გამორჩეული მომენტია ქართული ყოველდღიური სამოსის ხაზის განვითარებისთვის. ცნობილია, რომ ICR ჯგუფი იტალიური ბრენდის კიდევ ერთი მაღაზიის გახსნას ამ ზაფხულს ბათუმშიც გეგმავს.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.