ფანტასტი მწერლების მიერ, ასეულობით წლის წინ გამოგონილი ტექნოლოგიები დღეს ნელ-ნელა რეალობად იქცევა. რამდენიმე დღის წინ, Meta-მ ჭკვიანი სათვალეების მეორე თაობა, Ray-Ban Meta Smart Glasses წარმოგვიდგინა, რომელიც წინამორბედის Ray-Ban's Stories-ისგან განსხვავებით, ნამდვილად წინ გადადგმული ნაბიჯია. პირველი თაობის, Ray-Ban's Stories ელემენტი სუსტი გახლდათ, რეზოლუცია კი საკმაოდ დაბალი ფოტო, თუ ვიდეო კონტენტის გადასაღებად. რაც შეეხება Ray-Ban Meta Smart Glasses-ს, აღსანიშნავია ის ფაქტი, რომ Ray-Ban Stories 5 მეგაპიქსელიანი კამერა 12 მეგაპიქსელიანი რეზოლუციით ჩანაცვლდა, რაც ცხადია, გადაღებისას დიდ სხვაობას იძლევა.
როგორც ჩანს, Meta-ს გუნდმა საკმარისი ყურადღება დაუთმო რეზოლუციის გაუმჯობესებას, რაც მეორე თაობის ჭკვიან სათვალეზე ნათლად აისახა. მაღალი გარჩევადობის წყალობით, დღეს Ray-Ban Meta Smart Glasses ბევრად ხარისხიან ფოტოებს იღებს, ვიდრე მისი წინამორბედი და 1080p ვიდეოს გადაღება 60 წამამდე ფორმატით შეუძლია. სათვალეებს Qualcomm Snapdragon AR1 Gen1 ჩიპი კვებავს. Ray-Bans-ის მთავარი ხიბლი კი მასში ჩაშენებული ხელოვნური ინტელექტი - Meta AI გახლავთ, რომელიც მზადაა ხმოვანი ბრძანებების შესასრულებლად.
მნიშვნელოვანი სიახლე, რომელიც კონტენტის შემქმნელებს აუცილებლად მოხიბლავთ, Instagram-სა და Facebook-ზე პირდაპირი ტრანსლაციის შესაძლებლობას იძლევა. მარტივად, ბრძანების მიცემის შემდეგ, Ray-Ban Meta Smart Glasses-ის მფლობელებს Live ტრანსლაციის ჩართვა და კომენტარების პირდაპირ სათვალის ეკრანზე წაკითხვა ხელების გამოუყენებლად შეუძლიათ. პირდაპირი ტრანსლაციის ფუნქცის გამოცდა ფორმულა ერთის მრბოლელს - შარლ ლეკლერს დაევალა, რომელიც Ray-Ban Meta Smart Glasses-ის კამპანიის სახედ გვევლინება. შარლმა ჭკვიანი სათვალეების დახმარებით, მილიონობით გამომწერს go-kart სესია Live რეჟიმში გაუზიარა.
ყველა სიკეთესთან ერთად, Ray-Ban Meta Smart Glasses-ში მიკროფონი და დინამიკებია ჩაშენებული, შესაბამისად სათვალე wireless ყურსასმენის ფუნქიასაც ასრულებს.
როგორც Meta-ს გუნდმა დააანონსა, მომავალი განახლებების კვალდაკვალ, ჭკვიან სათვალეებს მსოფლიოს ღირსშესანიშნაობების აღმოჩენის და მათ შესახებ ინფორმაციის მოწოდების ფუნქციაც დაემატება, რაც Ray-Ban-ის მფლობელებისთვის მოგზაურობას ორმაგად სასიამოვნო პროცესად აქცევს. გარდა ამისა, კომპანიის განცხადებით, ჭკვიან სათვალეს მხედველობის არეალში არსებული წარწერების სხვადასხვა ენიდან თარგმნა რეალურ დროში შეეძლება. თუმცა, Google-ს ჯერ ოფიციალური განცხადება არ გაუვრცელებია AR სათვალესთან დაკავშირებით.
Ray-Ban Meta Smart Glasses ღირებულება 300 ამერიკული დოლარია. წინასწარი შეკვეთის გაკეთებაც უკვე შესაძლებელია.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
