ადამიანის სხეულს კოლაგენი ქსოვილის შენებისთვის და სხვადასხვა უჯრედული პროცესების სრულყოფილად განხორციელებისთვის სჭირდება. ეს ცილა ისეთ მნიშვნელოვან საქმეებს აკეთებს, როგორიცაა ქსოვილის აღდგენა და იმუნური სისტემის გამართული მუშაობა. კოლაგენის ფუნქციების გათვალისწინებისა და მისი მნიშვნელობის აღიარების შემდეგ, სამედიცინო სფეროს წარმომადგენლები კოლაგენის დანამატების სახით მიღებისკენ მოგვიწოდებენ. მათ არც კოსმეტიკური ინდუსტრია ჩამორჩა და კოლაგენს შტრატის, საცხისა თუ თმის ნიღაბის სახით გვთავაზობს.
ასაკის მატებასთან ერთად, ორგანიზმში კოლაგენის გამომუშავება მცირდება. შედეგად კი ისეთი ნიშნები ვლინდება, როგორიცაა დანაოჭება, კანის დაბერება, ძვალსახსროვანი სისტემის შესუსტება. კოლაგენი ორგანიზმის მიერ ბუნებრივად წარმოიქმნება, თუმცა მისი მიღება საკვებით ან სხვა სახის დანამატებითაც არის შესაძლებელი. უამრავი ადამიანი კოლაგენის შემცველ ფხვნილებს, კაფსულებს და სითხეებს აქტიურად მოიხმარს. კოლაგენი ჭრილობებისა და დამწვრობის სამკურნალოდაც კი გამოიყენება.
კოლაგენის შემცირება ასაკის მატების პროცესის ბუნებრივი ნაწილია. გარდა ამისა, ჩვენი ცხოვრების წესის ისეთი მავნე ჩვევები, როგორიცაა მოწევა, ალკოჰოლის ჭარბი მოხმარება და შაქრის შემცველი პროდუქტების დიდი რაოდენობით მიღება ამ პროცესს აჩქარებს. კოლაგენის წარმოქმნას ჩვენს ორგანიზმში მზის ზემოქმედებაც ასუსტებს.
როგორ დავეხმაროთ ორგანიზმს კოლაგენის უკეთ გამომუშავებაში?
გამომდინარე იქიდან, რომ კოლაგენის სიმცირე პირველ რიგში კანს, თმას და სახსრებს აზიანებს, მისი შემცველობით ძალიან ბევრი საკვებდანამატი უკვე არსებობს. ასევე შეგიძლიათ კოლაგენით მდიდარი სახის მოვლის საშუალებები, შამპუნები და ტანის საცხები მოიხმაროთ.
ჩვენი ორგანიზმი ხომ ძალიან ჭკვიანი მექანიზმია, ამიტომაც, როდესაც ასაკის მატებასთან ერთად კოლაგენის წარმოება მცირდება, ის თვლის, რომ მისი გამოყენება, ძვლებისა და სახსრების ჯანმრთელობისთვისაა პრიორიტეტი, კანისა და თმისთვის კი სამწუხაროდ კოლაგენის მარაგი არ ჰყოფნის ხოლმე. ეს გარდაუვალი პროცესი ჩვენ შეგვიძლია, რამდენიმე ხერხით, ოდნავ მაინც შევანელოთ. პერიოდულად C ვიტამინის შრატის გამოყენებაა აუცილებელია.
ასევე, არ დაგავიწყდეთ, ყოველდღიურად, მზისგან დამცავი კრემის სახესა და სხეულის იმ ნაწილებზე დატანა, რომლებსაც მზის გულზე ყოფნა მოუწევთ.
თუ დანამატების მიღებას გადაწყვეტთ, ამას ექიმთან ან კოსმეტოლოგთან კონსულტაციის გარეშე ნუ გააკეთებთ. ჯერ დარწმუნდით, თუ რომელი დანამატია თქვენი ორგანიზმისთვის უსაფრთხო და სასარგებლო. ამასთანავე, აუცილებლად გაეცანით ინსტრუქციას და მიღებისას რეკომენდებულ დოზას არ გადააჭარბოთ. კვლევების მიხედვით, მინიმუმ 8 კვირაა საჭირო, რომ დანამატების მიღების შედეგად თქვენს კანზე განსხვავება შენიშნოთ. ამიტომ ეს პროცესი მოთმინებას მოითხოვს.
კოლაგენის მიღება ცხოველური პროდუქტებისგან შეგვიძლია. მსხვილფეხა რქოსანი პირუტყვისა და თევზისგან მომზადებულ საკვებში ყველაზე დიდი რაოდენობით კოლაგენის სხვადასხვა ტიპის ცილაა. კოლაგენის დონის ამაღლებას ხელს უწყობს ისეთი საკვები, როგორიცაა ძროხის ან ღორის ძვლის ბულიონი, კანიანი ქათმის ხორცი, სარდინები, ჟელატინის საღეჭი კანფეტები, კენკრა, ფორთოხალი, წითელი წიწაკა, კომბოსტო, ბროკოლი. როგორც ხედავთ, ამ პრობლემის მოგვარებაში ყველაზე მეტად C ვიტამინით მდიდარი საკვები გვეხმარება.
ექიმების რეკომენდაციით, განსაკუთრებით კარგია, თუ კოლაგენის დონის ამაღლებას ქალები პოსტმენოპაუზურ პერიოდში მიაქცევენ ყურადღებას. მხოლოდ კანისა და თმის სიჯანსაღეზე რომ არ ვისაუბროთ, დანამატებმა და სწორად შერჩეულმა პროდუქტმა, შეიძლება ოსტეოართრიტის სიმპტომები შეამსუბუქოს და საჭმლის უკეთესად მონელებასაც კი შეუწყოს ხელი.
ასევე არ უნდა დავივიწყოთ, რომ ცხოვრების ჯანსაღი წესი ჯანსაღ ორგანიზმთან ყოველთვის კორელაციაშია. ცილებით, ვიტამინებითა და მინერალებით მდიდარი, დაბალანსებული დიეტის დაცვამ შეიძლება კოლაგენის გამომუშავებას ბუნებრივად შეუწყოს ხელი და ვარჯიშთან ერთად ძვლების ჯანმრთელობაც გააუმჯობესოს.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
