1947 წელს, მეორე მსოფლიო ომისშემდგომ იტალიაში გუჩის მოდის სახლი დიდი გამოწვევის - ტყავის დეფიციტის წინაშე დადგა. მოდის სახლის დამფუძნებელი გუჩიო გუჩიმ და ფლორენციელი ოსტატების ჯგუფმა ჩანთის სახელურის დამზადება ტყავის ნაცვლად, იმპორტირებული ბამბუკით დაიწყეს. სწორედ აქ დაიბადა იტალიური ბრენდის ერთ-ერთი ყველაზე საკულტო ჩანთა - Gucci Bamboo. ეს ისტორია ნათლად გვიჩვენებს, თუ როგორ შეიძლება გამოწვევა შესაძლებლობად აქციო. ბამბუკის სახელური, რომელიც თავდაპირველად გარკვეული პრობლემის გადასაჭრელად იქნა გამოყენებული, მოგვიანებით გუჩის მოდის სახლის ერთგვარ სიმბოლოდაც იქცა. დღეს ჩანთა Gucci Bamboo ელეგანტურობისა და ინოვაციურობის სიმბოლოა.
ჩანთის ბამბუკის სახელური და საკეტი ზედმიწევნით იყო ხელით დამუშავებული. ლაქირებული, პრიალა და დახვეწილი ზედაპირი ჩანთის სიმბოლოდ იქცა. გუჩიმ აღნიშნული ტექნიკა დააპატენტა და მას დღემდე იყენებენ გამოცდილი სპეციალისტები.
Gucci Bamboo-ს წარდგენას დიდი წარმატება მოჰყვა. ჩანთის კინემატოგრაფიული დებიუტი არანაკლებ დრამატული იყო, რადგან ინგრიდ ბერგმანს 1954 წლის ფილმში "Viaggio in Italia" პომპეის Grande Palestra-ს ნანგრევების ფონზე ბამბუკის სახელურიანი ჩანთა ეჭირა. ეს ჩანთის ბრწყინვალე ისტორიის მხოლოდ დასაწყისი იყო. გუჩის საკულტო აქსესუარი მოგვიანებით მიქელანჯელო ანტონიონის ორ ფილმში გამოჩნდა, რომლებშიც ელეონორა როსი დრაგო და ვანესა რედგრეივი მონაწილეობდნენ.
Gucci Bamboo-ს სტილი დროსთან ერთად ვითარდებოდა. 1990-იან წლებში პრინცესა დიანა Gucci-ს მასიური სტილის ჩანთას ატარებდა , რომელსაც ასევე ბამბუკის სახელურები ამშვენებდა. გუჩის აწ უკვე ყოფილმა კრეატიულმა დირექტორმა, ალესანდრო მიკელემ, 2021 წელს ეს საკულტო აქსესუარი ხელახლა წარადგინა როგორც "Gucci Diana" და ის კაფსულა კოლექციის - "Gucci Beloved" ნაწილი გახადა.
გუჩის ეს აქსესუარი დღეს ცნობილია "Gucci Bamboo 1947"-ის სახელით. ალესანდრო მიკელემ, მოდის სახლის ყოფილმა კრეატიულმა დირექტორმა, 2022 წელს ჩანთის განახლებული ვერსია შემოგვთავაზა, ფერთა ფართო პალიტრითა და სხვადასხვა ზომის ხელსაკიდის ვარიანტით. Gucci Bamboo bag სელებრითების საყვარელი აქსესუარია და მას A-lister-ების აქსესუარებში საპატიო ადგილი უკავია.
გუჩის ბამბუკის ჩანთა უფრო მეტია ვიდრე აქსესუარი. Gucci Bamboo მოდის მიმდევრების საოცნებო ინვესტიციაა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.