სოციალური მედიის ნამდვილ ფენომენს, 21 წლის ემა ჩამბერლინს, მრავლისმომცველ პორტფოლიოში მოყვარული ინტერიერის დიზაინერიც შეუძლია დაამატოს. Proem Studio-ს დიზაინერებთან: ეშლი დროსტთან და მარი ტროჰმანთან კოლაბორაციით, ემამ ლოს-ანჯელესის ზღაპრული სახლი მოაწყო და Architectural Digest-ს მისი გადაღების ნებაც დართო.
„სახლიდან ვმუშაობ, ამიტომ მინდოდა შემექმნა რაღაც სრულიად პერსონალური და კომფორტული“ - ცნობილი თავისი ავთენტური პიროვნულობით, ემა ჩამბერლინი ინტერიერის დიზაინის შერჩევისასაც ისეთივე კრეატიული აღმოჩნდა, როგორც სხვა შემთხვევებში. ემას დასაწყისშივე მკაფიოდ ჰქონდა წარმოდგენილი თუ რა სურდა: თანამედროვე ბოჰემიური სტილი, რომელიც სხვადასხვა ეპოქასა და ესთეტიკას გააერთიანებდა საკუთარ თავში.
ახლად განახლებული სახლი, რომელიც 1955 წელს აშენდა, აღჭურვილია კედრის შიგთავსებით, პანელებითა და მზიანი ოთახებით, ლოს-ანჯელესის ზღაპრული სახლი ტყიანი აუზით და მედიტაციური ბაღით არის გარშემორტყმული. ემას თითოეული ოთახი უნიკალურ მასალებს აერთიანებს: აქ შეხვდებით ყველაფერს, დაწყებული მწვანე კრამიტით და მარმარილოს სამზარეულოთი, კორპის მოპირკეთებული აბაზანით, ბანანის ხის ქერქით დაფარული კედლითა და სკულპტურული ფორმის თაბაშირის ბუხრით დამთავრებული.
„მე ვარ გუნება-განწყობის ტიპის გოგო. მე გადავხედე ყველა კუთხე-კუნჭულს ინტერნეტში, ყველა უცნაურ, ღრმა გვერდებს Pinterest-ზე... სახლისთვის შთაგონებას ყველგან ვპოულობდი, ისევე როგორც მოდა, ეს ყველაფერი ჩემს გონებაში იყო“ - აღნიშნა ემამ.
მიუხედავად იმისა, რომ სახლი სიმყუდროვეს აფრქვევს, ჩემბერლენის მაგნიტური პიროვნება დეტალებში ნათლად აისახება. „ჩემი ტვინი ძალიან სწრაფად მუშაობს. მე რაღაცნაირი ხმამაღალი ვარ და ბევრი რამ მაქვს სათქმელი. მაშინაც კი, როდესაც ჩემმა იდეებმა ყველაფერი მოიცვა, საბოლოოდ მათი ერთმანეთთან დაკავშირება მოვახერხე. ნამდვილად არ მაინტერესებს თუ ვინმეს ეს ყველაფერი არ მოეწონება, მე ვარ ის, ვინც ვარ, აქ ვცხოვრობ, ამიტომ მე უნდა მიყვარდეს ეს სახლი და მიყვარს კიდეც“.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
