სახლის დეკორი საკმაოდ შრომატევადი, დამღლელი და ამავდროულად საინტერესო საქმეა. ცარიელი სახლისთვის შესაფერისი დეკორის შერჩევა, განსაკუთრებით თუ ყველაფერს ნულიდან იწყებთ, საკმაოდ რთული პროცესია, თუმცა შედეგი იმდენად დამაკმაყოფილებელია, რომ კედლის ფერის შერჩევაში თეთრად გათენებული ღამეები მალევე მიგავიწყდებათ.
სახლის დეკორზე ფიქრის დროს ალბათ თავში პირველი აბაზანა არ მოდგით. სხვა ოთახებისგან განსხვავებით ამ უკანასკნელს ავეჯით მორთვა ნამდვილად არ სჭირდება, მაგრამ ეს იმას არ ნიშნავს, რომ იმ ადგილისთვის, „სადაც მეფეებიც საკუთარი ფეხით დადიან“, მხოლოდ აბაზანის ფორმაა შესარჩევი. სრულიად შესაძლებელია, რომ ცოტაოდენი კერატივით ყველაზე ინტიმური ოთახი გამორჩეული და საინტერესო გავხადოთ. The Diary-ის გუნდი ამჯერად აბაზანის კედლის შპალერის გამოყენების რამდენიმე ხრიკს შემოგთავაზებთ.
1. შეარჩიეთ სწორი ადგილი დეკორატიული შპალერისთვის
მოგეხსენებათ, რომ აბაზანა ნესტიანი ადგილია, ამიტომ სხვა ოთახების მსგავსად ოთხივე კედელზე შპალერის გამოყენება რეკომენდებული არაა, თუმცა აბაზანის რომელიმე კუთხეში დეკორატიული შპალერის გამოყენება პრობლემას არ წარმოადგენს. მაგალითად პირსაბანთან, სარის ირგვლივ, სადაც ამ უკანასკნელს განსაკუთრებული დეკორატიული დანიშნულება ექნება და განათების სწორი მანიპულაციით სასიამოვნო ეფექტს შექმნის.
2. შეარჩიეთ სწორი შპალერი
ბოლო დროინდელი ტრენდების მიხედვით სააბაზანოში ყველაზე ხშირად ფერად პრინტიან შპალერს იყენებენ. თუ თავად საპირფარეშო ნათელ ფერებშია გადაწყვეტილი, უმჯობესია, თუ მკვეთრი ფერის პრინტს შეარჩევთ, რაც აქცენტს დეკორატიულ შპალერზე გააკეთებს.
3. გამოიყენეთ წყალგამძლე დეკორატიული შპალერი
სააბაზანოში წყალგამძლე დეკორატიული შპალერის გამოყენება მისი გაფუჭებისგან დაგაზღვევთ, ამავდროულად მისი სველი წმენდაც შესაძლებელია.
4. გაყავით სააბაზანო 2 ნაწილად
ხშირ შემთხვევაში დეკორატიულ შპალერს ლოგიკური მიზეზების გამო საპირფარეშოს, ან პირსაბანის ნაწილში იყენებენ. თავისუფლად შესაძლებელია აბაზანისა და საპირფარეშოს ნაწილის დეკორატიული შპალერით გამოყოფა.
5. გამოიყენეთ დეკორატიული შპალერი აბაზანის უკან
შპალერის გამოყენება საშხაპესთან რეკომენდებული არაა, თუმცა თუ ტრადიციული აბაზანის მოყვარული ბრძანდებით, ამ უკანასკნელის უკან დეკორატიული შპალერის გამოყენება გადასარევი გადაწყვეტილებაა. აქცენტირებული დეტალი აბაზანას ნამდვილად მდიდრულ იერს შესძენს.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
