2024 MET Gala - გაიმეორეთ ლუქი
მათ, ვისაც პენელოპა კრუზის ლუქის გამეორება გსურს, იმ პროდუქციის კომბინაციებს წარმოგიდგენთ, რომლებიც ცნობილმა სტილისტებმა მსახიობის წითელი ხალიჩის Look-ის მისაღებად გამოიყენეს.
| ანა ციხელაშვილი |
გაზაფხულის სეზონი ყოველთვის სიურპრიზებით გამოირჩევა. ხანდახან გვიჭირს განვსაზღვროთ, რა ჩავიცვათ, რადგან დღის განმავლობაში ამინდი ხშირად იცვლება. The Diary-ის რედაქცია ამჯერად გაუთვალისწინებელი შემთხვევებისთვის მოსამზადებლად რამდენიმე ხრიკს გაგიზიარებთ.
Layering
რამდენიმე ფენა ტანსაცმლის ჩაცმა გაზაფხულზე ძალიან კარგი არჩევანია. ქუჩის სტილში განსაკუთრებით გავრცელებული პერანგისა და ნაქსოვი ჟილეტის, ან მოკლე მაისურისა და პერანგის კომბინაციაა. დამატებით თუ საწვიმარ ლაბადას, ან პიჯაკს მოიცვამთ, ერთდროულად ცივი და მზიანი დღისთვის იქნებით მზად.
ფერადი წელწინდები და წინდები
2024 მოდის ინდუსტრიაში ექსპერიმენტებისა და გამბედაობის წელია. ქუჩის ჩაცმულობაში ფერად დეტალებს ხშირად შეხვდებით, რომლებიც მთლიან look-ს განსაკუთრებულ ელფერს სძენს. გაზაფხულზე თან თბილად და მოდურად ჩაცმაში წელწინდები და ფერადი წინდები დაგეხმარებათ. ისინი თამამად შეგვიძლია შევუხამოთ ღია ლოფერებსა და მერი ჯეინებს.
გრძელი შორტები
ე.წ. Bermuda Shorts-ს ბევრი აკრიტიკებს, თუმცა “აითემი” 2024 წლის გაზაფხულის ერთ-ერთი ტრენდად მაინც რჩება. კოლექციებში უკვე გამოჩნდა მაღალი, თუ საშუალო, ტყავის, ნაჭრისა და ჯინსის შორტები. ეს სამოსი კლასიკური და სპორტული სტილის კომბინაციის ელფერს ატარებს და განსხვავებული სტილის მქონე ადამიანების გემოვნებას ერგება.
ასიმეტრიული ტანსაცმელი
ასიმეტრიული ტანსაცმელი, განსაკუთრებით მაისურები და ე.წ. ბოდეები კარგი გამოსავალია მაშინ, როდესაც ხელების თბილად შენარჩუნება, თუმცა კანის გარკვეული ნაწილის გამოჩენა გვსურს. ეს კი კომფორტული, მოკრძალებული და ამასთანავე სექსუალური look-ის შექმნაში გვეხმარება.
გრძელი ქვედაბოლოები
Miu Miu-მ, Gucci-მ და სხვა ბრენდებმა, 90-იანი წლების გრძელი, სხეულზე მომდგარი ქვედაბოლო თითქმის უცვლელი დიზაინით დააბრუნეს. ამ უკანასკნელის შეძენა თქვენთვის კომფორტული დიზაინითა და ქსოვილის მიხედვით შეგიძლიათ. არჩევანი უსაზღვროა, დაწყებული ტყავითა თუ ჯინსით და აბრეშუმით დამთავრებული.
ენდული ფერების რიგებში შეხვდებით ნარინჯისფერს, ღია ცისფერსა და მუქ წითელს. ასევე, ჩვენი სტილის გაუმჯობესებისთვის, მოდის სახლები დიდი, განსაკუთრებული ქამრებისა და ბევრი აქსესუარის გამოყენებას გვირჩევენ. ინსპირაციისთვის კი ყოველთვის შეგვიძლია მიმდინარე პერიოდის IT გოგონების, მაგალითად ბელა ჰადიდის, სოფია რიჩისა, თუ ზენდეიას ინსტაგრამ გვერდებს მივაკითხოთ.
არ გამოგრჩეთ
რეცეპტი: სააღდგომო პასკა
სააღდგომოდ პასკის ცხობის ტრადიცია საუკუნეებს ითვლის. თავდაპირველად სააღდგომო პური ძალიან მარტივად ცხვებოდა, თუმცა თანამედროვე მზარეულები მის სხვადასხვა ვარიაციებს გვთავაზობენ. დღეს უგემრიელეს პასკას ელისო გოჩავას რეცეპტითწარმოგიდგენთ, რომელიც ამ წელს თქვენს სუფრას ნამდვილად დაამშვენებს.
THE DIARY სტუმრად #1 ნეილ-ბარში
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.