მოდის სამყაროსთვის სექტემბერი ახალი წლის არაოფიციალურ საწყისადაა მიჩნეული. დიდი საზაფხულო შესვენების შემდეგ, დიზაინერები და წამყვანმა მოდის სახლები მომავალი წლის სეზონისთვის თავიანთ იდეებსა და წარმოდგენებს გვიზიარებენ. ცხადია, ეს იდეები რამდენიმე თვეში იმ ტრენდებად რეალიზდება, რომლებსაც ყველანი ერთი მეორის მიყოლებით მოვირგებთ.
2024 წლის გაზაფხული-ზაფხულის სეზონის ჩვენებებზე ჩვენზე განსაკუთრებული შთაბეჭდილება ისეთმა დიზაინერებმა მოახდინეს, როგორებიც პრაბალ გურუნგი, მაქსიმილიან დევისი და რალფ ლორენი არიან. დღეს იმ 5 Must See მოდურ ტრენდს წარმოგიდგენთ, რომლებიც, დიდი ალბათობით, ჩვენი გარდერობების ნაწილიც გახდება.
1. ნათელი ფერები
გაზაფხულისთვის დამახასიათებელი პასტელური ფერების ნაცვლად, დიზაინერებმა 2024 წლის სეზონის კოლექციების ჩვენებებზე უფრო თამამი გადაწყვეტილებები მიიღეს და ბევრად კაშკაშა და ნათელი სილუეტები წარმოგვიდგინეს, ვიდრე ოდესმე: ყვითლიდან - წითლამდე და წითლიდან ლურჯამდე. ერთი რამ ნათელია - ფერები მომავალი წლის გაზაფხულის სეზონზე ყველაზე მნიშვნელოვანი ტრენდი იქნება.
2. ჯინსი-ჯინსზე
მართალია, ამ ტრენდზე არა ერთხელ გაგვიმახვილებია ყურადღება, თუმცა მისი მოდური მომენტის გარდაუვალობა, 2024 წლის გაზაფხული-ზაფხულის კოლექციის ჩვენებებზეც დადასტურდა.
3. Metallics
იქნება ეს თხევადი ოქრო (როგორც Ralph Lauren-ის ჩვენებაში) თუ ბიონსეს მიერ Renaissance Tour-ზე მორგებული მბზინავი ვერცხლი (LaQuan Smith-ის შემოქმედება), ცხადია, რომ მომავალ სეზონებზე ძვირფასი მეტალის აქსესუარებს დიდი დატვირთვა ექნება.
4. დიდი ზომის მოსაცმელები
როგორც Etro-მ, Khaite-მ და LaPointe-მ გვამცნეს, დიდი ზომის, ე.წ. "ოვერსაიზ" მოსაცმელები 2024 წლის გაზაფხული-ზაფხულისთვის ბრუნდება. ტრადიციული ზამთრის ქურთუკებს მიღმა, დიდი ზომის მოსაცმელები, ბლეიზერებსა და კოსტიუმების ფორმითაც შეგვხვდება.
5. ორეულები
Coach-მ და Khaite-მ კი გვაჩვენეს, რომ ორეულები მხოლოდ ოფიციალური შეხვედრებისთვის კი არა, ყოველდღიური სტილისთვისაც იქმნება. ტყავის ბლეზერისა და მაქსი ქვედაკაბის კომპლექტი გაზაფხულისა და ზაფხულის სეზონებზე ერთ-ერთ ყველაზე მოთხოვნად Look-ად მოგვევლინება.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.