სახლის დეკორის გენიალურობის მინიმუმ 50% განათების დამსახურებაა. გარდა იმისა, რომ ოთახი ბუნებრივი, დღის შუქის რაოდენობით ფასობს, იმასაც დიდი მნიშვნელობა აქვს, სად და როგორ შუქს დაამატებთ, ან როგორ დიზაინს შეარჩევთ. The Diary-ის გუნდი ამჯერად ჭაღების TOP ხუთეულს გთავაზობთ, რომლებიც წელს ყველაზე ტრენდული იქნება.
GLASS JAR
შუშის ქილების იმიტაცია 2021 წლის ერთ-ერთი მთავარი ტრენდია, რომელიც სამზარეულოს, თუ სასადილო ოთახს განსაკუთრებით უხდება. პროდუქტის შერჩევა სხვადასხვა ფერებშია შესაძლებელი, ამიტომ Glass Jar-ის შეხამება ნებისმიერი ტონალობის ოთახთანაა შესაძლებელი.
GLASS JAR - TK Lighting
SPIDER
ე.წ. ობობა უკვე რამდენიმე წელია აქტუალობას არ კარგავს. მისაღები ოთახის ინტერიერში ეს უკანასკნელი განსაკუთრებით ჯდება, თუმცა შავი ფერის ჭაღის გამოყენება ასევე საძინებელში, კაბინეტში, ან სხვა სასურველ ოთახშიც შეგიძლიათ.
SPIDER - NOWODVORSKI
MINIMALIST
2021 წელს უპირატესობა ასევე მინიმალისტურ დიზაინს უნდა მივანიჭოთ. მოგეხსენებათ, რომ სასადილო ოთახები წელს ნათელ და პასტელურ ფერებში იქნება გადაწყვეტილი, შესაბამისად, ღია ფერის ლითონისა და თეთრის კომბინაცია არაჩვეულებრივი შეხამება გამოვა.
MINIMALIST - EGLO
WOOD AND STEEL
ხე და ლითონი ყოველთვის მომგებიანი კომბინაციაა. Wood and steel განათებას საძინებლებში, თუ მისაღებ ოთახებში წელს ხშირად შეხვდებით.
WOOD AND STEEL - EGLO
INDUSTRIAL
ინდუსტრიული სტილი 2021 წლის ერთ-ერთი მთავარი ტრენდია. თანამედროვე ლოფტი, მინიმალისტური საძინებელი, მისაღები ოთახი ბეტონის კედლებით, თუ სახლის მინი ბარი თამამად შეგიძლიათ Industrial light-ის ჭაღებით გააფორმოთ.
INDUSTRIAL - NOWODVORSKI
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
