„ბიტლზმა სრულიად შეცვალა ჩემი მუსიკისადმი დამოკიდებულება. წლებია, მათზე ფილმის გადაღებას ვცდილობ,“ – ამბობს ოსკაროსანი რეჟისორი სემ მენდესი, რომელმაც CinemaCon 2025-ზე აუდიტორიას თავისი ერთ-ერთი ყველაზე ამბიციური პროექტის დეტალები გაუმხილა.
როგორც ჩანს, ჯეიმს ბონდის და American Beauty-ის რეჟისორი მზადაა, ბიტლზის ცხოვრების ყველაზე ღრმა კუნჭულებში გვამოგზაუროს. 2028 წლის აპრილში თითოეული ბიტლის შესახებ, ოთხი დამოუკიდებელი ფილმი გამოვა.
მენდესისთვის ბრიტანული როკ-ბენდი მუსიკის ისტორიაში ყველაზე მნიშვნელოვანი ჯგუფია, და მისი თქმით, ოთხივე წევრის ისტორიის ერთ ფილმში გაერთიანება შეუძლებელი იქნებოდა. ამიტომაც გადაწყდა ცალკეული ფილმების გადაღება, სადაც როლები ასე გადანაწილდა:
პოლ მაკარტნის როლს მოირგებს ირლანდიელი მსახიობი პოლ მესკალი, რომელიც მაყურებელს სალი რუნის რომანის, Normal People-ის ეკრანიზაციიდან თუ ფილმ Aftersun-იდან ახსოვს.
ჯონ ლენონს განასახიერებს ჰარის დიკინსონი, გასული წლის ერთ-ერთი ყველაზე გახმაურებული ფილმის Baby Girl-ის მთავარი როლის შემსრულებელი. მანამ, სანამ ის ნიკოლ კიდმანის სასცენო პარტნიორი გახდებოდა, მისი შესრულება ფილმებში Beach Rats და Triangle of Sadness არანაკლებ აღსანიშნავი იყო.
რინგო სტარს ბარი კეოგანი ითამაშებს – მსახიობი, რომელიც მაყურებელს განსაკუთრებით The Banshees of Inisherin-ითა და Saltburn-ით დაამახსოვრდა.
ჯორჯ ჰარისონის როლში კი ვიხილავთ ჯოზეფ ქუინს, რომელიც პოპულარული Stranger Things-ში შესრულებული როლით გახდა. მალე გამოვა მისი მონაწილეობით Marvel-ის ორი ფილმიც – The Fantastic Four და Avengers: Doomsday. სხვათა შორის, ჯოსეფ ქუინსა და პოლ მასკალს უკვე აქვთ ერთად მუშაობის გამოცდილება, რომელიც 2024 წლის ფილმ Gladiator 2-ში ლუციუსისა და იმპერატორ გეტას როლების შესრულებისას მიიღეს.
სემ მენდესის მიერ შერჩეულ მსახიობებს მაყურებელი განსხვავებული რეაქციებით შეხვდა – ზოგიერთი კინომწარმოებლებს ახალი სახეების აღმოჩენისკენ მოუწოდებს, ხოლო სხვებისთვის ეს შემადგენლობა ზუსტად ის ოთხი მსახიობია, რომელიც იდეალურად გააცოცხლებს ბრიტანული როკ-ჯგუფის წევრებს ეკრანზე.
აღსანიშნავია, რომ ეს იქნება პირველი შემთხვევა, როდესაც ფილმში ოფიციალურად გაჟღერდება ბენდის ჰიტები, როგორებიცაა Strawberry Fields Forever, Let It Be, I Am the Walrus, Yellow Submarine და სხვა. სავარაუდოდ, ოთხივე ფილმი ან ერთდროულად, ან თვის განმავლობაში, ყოველ კვირას, თითო-თითო გამოვა.
პოპვარსკვლავი და მსახიობი ლედი გაგა პოპულარულ სერიალ Wednesday-ის მეორე სეზონში შეუერთდება. Wednesday-ის მეორე სეზონი ორ ნაწილად გამოვა: პირველი ნაწილი 6 აგვისტოს, ხოლო მეორე – 3 სექტემბრს.
ჰეილი ბიბერმა თავისი კანის მოვლის ბრენდი Rhode ბიუჯეტურ კოსმეტიკურ გიგანტს e.l.f. Beauty-ს მილიარდ დოლარად მიჰყიდა. ჰეილი ბრენდში კრეატიული დირექტორის პოზიციაზე გააგრძელებს მუშაობას.
„წაგება არ იქნება“! ხვიჩა კვარაცხელიას პსჟ-ს მაისურით ჩემპიონთა ლიგის ფინალში ვიხილავთ.
