შურისმაძიებლები დიდ ეკრანებზე ბრუნდებიან! მაყურებელს შესაძლებლობა ექნება, კვლავ იხილოს საყვარელი მსახიობები ნაცნობ როლებში. კრის ჰემსვორთი თორის როლს მოირგებს, ენტონი მაკი კაპიტანი ამერიკის როლში, ხოლო სებასტიან სტენი ბაკი ბარნსის როლში გამოჩნდება, პოლ რადი, ტომ ჰიდლსტონი და ლეტიცია რაიტი კი თავიანთ პერსონაჟებს დაუბრუნდებიან.
ექვსი წელი გავიდა მას შემდეგ, რაც შურისმაძიებლები თანოსის დასამარცხებლად შეიკრიბნენ Endgame-ში. ამ ფილმში ჩვენს რამდენიმე საყვარელ პერსონაჟს დავემშვიდობეთ, მათ შორის რკინის კაცს. თუმცა, რობერტ დაუნი უმცროსი ახალი როლით გვიბრუნდება და ამჯერად, ბოროტმოქმედის, დოქტორ დუმის ამპლუაში ვიხილავთ მას.
ფილმში ასევე გამოჩნდებიან იქს-ადამიანების ვარსკვლავები: პატრიკ სტიუარტი პროფესორ ჩარლზ ქსავიეს როლში დაბრუნდება, ჩენინგ ტატუმი კი კვლავ გამბიტის როლს შეასრულებს.
ასევე გამოჩნდებიან:
Ian McKellen Magneto-ს როლში
Kelsey Grammer Beast-ის როლში
Alan Cumming Nightcrawler-ის როლში
James Marsden Cyclops-ის როლში
Rebecca Romjin Mystique-ის როლში
გარდა ამისა, ფანტასტიკური ოთხეულის ვარსკვლავებიც შემოგვიერთდებიან: პედრო პასკალი (Mr. Fantastic), ვანესა კიბრი (Invisible Woman), ჯოსეფ ქუინი (Human Torch) და ებონ მოს-ბაქრაქი (The Thing).
და რა თქმა უნდა, ვიხილავთ Thunderbolt-ებსაც:
Florence Pugh Yelena Belova-ს როლში
David Harbour Red Guardian-ის როლში
Wyatt Russell U.S. Agent-ის როლში
Hannah John-Kamen Ghost-ის როლში
Lewis Pullman Bob-ის როლში
Simu Liu Shang-Chi-ს როლში
Tenoch Huerta Mejia Namor-ის როლში
პერსონაჟების გარდა ეს ფილმი ჯო და ენტონი რუსოების დაბრუნებასაც აღნიშნავს. ძმებმა Marvel-ის განსაკუთრებული ფილმები „კაპიტანი ამერიკა: ზამთრის ჯარისკაცი“, „სამოქალაქო ომი“ და „შურისმაძიებლების“ ბოლო ორი ნაწილი შექმნეს, „Avengers: Doomsday“-ს პრემიერა 2026 წლის 1-ელ მაისსაა ჩანიშნული.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
