„ეშმაკს აცვია პრადას“ სიქველის გადაღებები დაიწყო
ოფიციალურად დადასტურდა, რომ საკულტო ფილმის „ეშმაკს აცვია პრადა“ სიქველის გადაღებები 30 ივნისს დაიწყო. ფილმის ვარსკვლავური შემადგენლობა სრულად ბრუნდება.
მუსიკალური ინდუსტრიის ერთ-ერთი ყველაზე გახმაურებული საქმე დასასრულს უახლოვდება. ნიუ-იორკის ფედერალურ სასამართლოში ნაფიცმა მსაჯულებმა რეპერი შონ კომბსი, იგივე Puff Daddy, წარდგენილი ხუთი ბრალდებიდან მხოლოდ ორში ცნეს დამნაშავედ. წაყენებული ბრალი პროსტიტუციაში ჩართვის მიზნით ადამიანების ტრანსპორტირებას ეხება. რეპერი უდანაშაულოდ ცნეს ყველაზე მძიმე ბრალდებებში, როგორიცაა რეკეტი და სექსუალური ხასიათის ტრეფიკინგი. ეს იმას ნიშნავს, რომ მას სამუდამო პატიმრობა აღარ ემუქრება და შესაძლოა, მაქსიმუმ 20 წელი მიესაჯოს.
მოსამართლემ რეპერი პატიმრობაში დატოვა, მიუხედავად იმისა, რომ კომბსი იმედოვნებდა, განაჩენის გამოცხადებამდე გირაოს სანაცვლოდ გაათავისუფლებდნენ. პროცესის განმავლობაში პროკურატურამ კომბსი დაახასიათა როგორც „მოძალადე და სახიფათო პიროვნება, რომელიც არანაირ პასუხისმგებლობას არ გრძნობს მათ წინაშე, ვინც წლების განმავლობაში დააზარალა“. მოსამართლეს წერილობით მიმართა საქმის მთავარი მოწმის, კესი ვენტურას იურიდიულმა ჯგუფმაც და მოითხოვა, რომ კომბსი პატიმრობაში დარჩენილიყო განაჩენის გამოტანამდე.
ვენტურამ 2023 წლის ნოემბერში სამოქალაქო სარჩელი შეიტანა რეპერის წინააღმდეგ. ეს საქმე მეორე დღესვე დაიხურა და ვენტურამ რეპერისგან 20 მილიონი დოლარი მიიღო. სწორედ ეს სარჩელი გახდა რეპერის წინააღმდეგ ფედერალური საქმის გახსნის ე.წ. კატალიზატორი.
მოსამართლემ თავისი გადაწყვეტილება იმით გაამართლა, რომ კომბსს „დახურულ კარს მიღმა ძალადობისკენ მიდრეკილება აქვს“ და აღნიშნა, რომ მისი წარსული ქმედებები, მათ შორის კესი ვენტურას ცემა 2016 წელს, ერთმნიშვნელოვნად ძალადობის აქტი იყო.
რეპერის ადვოკატები კი, პირიქით, ამტკიცებდნენ, რომ კომბსი „თავმოყვარე ბიზნესმენია, რომელიც სასამართლოს ნდობას იმსახურებს“, რადგან ყველა მითითებას ზედმიწევნით ასრულებდა. ასევე, მიუხედავად იმისა, რომ დაცვის მხარემ კესი ვენტურას მიმართ ოჯახური ძალადობის ფაქტი აღიარა, მათ კატეგორიულად უარყვეს რეკეტისა და ტრეფიკინგის ბრალდებები.
საბოლოოდ, მოსამართლემ გირაოზე მაინც უარი განაცხადა. 8 ივლისს, მოსამართლე, პროკურატურა და დაცვის მხარე ვიდეოკონფერენციის ფორმატში შეიკრიბებიან, რათა დეტალურად განიხილონ, როგორ და როდის გამოცხადდება საბოლოო გადაწყვეტილება.
ამ ეტაპზე ცნობილია, რომ მხარეებს შორის სასჯელის ზომის თაობაზე აზრთა სხვადასხვაობაა. კომბსის გუნდი თითოეული დანაშაულისთვის დაახლოებით ორი წლით თავისუფლების აღკვეთას ითხოვს, ხოლო პროკურატურა დაახლოებით 5 წელს მოითხოვს.
გირაოს უარყოფის შემდეგ კომბსი დარბაზში იმედგაცრუებული სახით იჯდა. როდესაც გაიგო, რომ სახლში ვერ დაბრუნდებოდა, თავი დახარა და ხელები კალთაში ჩაიწყო. სასამართლოს დარბაზიდან გასვლისას მან ოჯახს კოცნა გაუგზავნა და უთხრა: „მიყვარხართ, იყავით ძლიერები“.
აღსანიშნავია, რომ კომბსი მხოლოდ ფედერალური ბრალდებების წინაშე არ დგას. გასული წლის განმავლობაში, სულ მცირე 120-მა პიროვნებამ, მათ შორის არასრულწლოვნებმა, რეპერის წინააღმდეგ სექსუალური ძალადობის შესახებ სარჩელი შეიტანა. ამ საქმეების განხილვები ჯერ არც კი დაწყებულა. თავად კომბსი ყველა ბრალდებას უარყოფს და ცილისწამებად აფასებს.
როგორც არ უნდა დასრულდეს ეს საქმე და რამდენი წელიც არ უნდა მიუსაჯონ კომბსს, აშკარაა, რომ ჰიპ-ჰოპის ლეგენდის ერა დასრულდა. 55 წლის გრემის მფლობელი მუსიკოსი, რომელმაც Bad Boy Records-ის მეშვეობით არაერთ არტისტს გზა გაუკვალა, ახლა კრიზისულ პერიოდს გადის, რომელიც მის მუსიკალურ მემკვიდრეობასა და რეპუტაციას სერიოზულ ჩრდილს აყენებს.
არ გამოგრჩეთ
ამბის თხრობის საერთაშორისო ფესტივალი ZEG იწყება
ხვალ, ზეგ და მაზეგ თბილისი მსოფლიოს სხვადასხვა ქვეყანაში მოღვაწე მწერლებს, მეცნიერებს, ჟურნალისტებს, ხელოვანებსა და აქტივისტებს უმასპინძლებს. წლის ერთ-ერთი ყველაზე მნიშვნელოვანი ფესტივალი იწყება, რომელიც ამბების თხრობაზე, გამოცდილებების გაზიარებასა და დიალოგის წამოწყებაზეა ორიენტირებული
რა ხდება ბილი აილიშის პირად ცხოვრებაში?
გრემის მფლობელი ბილი აილიში მსახიობ ნატ ვულფთან ერთად ვენეციაში დააფიქსირეს, რამაც მათი რომანის შესახებ ჭორები საბოლოოდ დაადასტურა.