ზაფხულის ჩანთა სეზონის ყოველდღიურობას უნდა პასუხობდეს: მზეს, ქალაქის ქუჩებში სეირნობას და მოულოდნელ გეგმებს. კამერა, სუნამო, დიდი სათვალე, ქუდი და თერმული სპრეი ის ნივთებია, რომლებიც ცხელ სეზონზე თქვენს ჩანთაში აუცილებლად უნდა იყოს.
კამერა WESNAP
ტელეფონით გადაღებული ფოტოები კარგია, მაგრამ კამერას სულ სხვა ხიბლი აქვს. Wesnap-ი ნებისმიერ ჩანთაში ჩაეტევა და ზაფხულის კადრებს იმ თბილ, ვინტაჟურ ეფექტს მისცემს, რასაც ვერცერთი მობილური აპლიკაცია ვერ იმეორებს.
WESNAP-ის შეძენა TheDiary Concept House-ში შეგიძლიათ, მიხეილ ზანდუკელის 15-ში.
სუნამო
ცხელ დღეებში სურნელის განახლება ყოველთვის გვჭირდება. ესპანური ბრენდის, Equivalenza-ს პატარა ფლაკონები იდეალურია ჩანთით სატარებლად. სჯობს ზაფხულისთვის მსუბუქი, ციტრუსოვანი ან გრილი, ყვავილოვანი ნოტები შეარჩიოთ, რომლებიც სიცხეში არ შეგაწუხებთ.
 |
|
დიდი ზომის სათვალე
კარგი სათვალე ზაფხულში ორმაგ საქმეს აკეთებს, მცხუნვარე მზისგან თვალებსაც იცავს და ყველაზე მარტივ ლუქსაც კი მომენტალურად აქცევს განსაკუთრებულად. ამ სეზონზე ტრენდულია დიდი ზომის სათვალეები, ცნობილი Celine-სა და მისი ინსპირაციით შექმნილი მოდელები.
 |
|
პანამა
1990-იანების თავსაბურავები, ვინტაჟური კეპები ან ჩალის ქუდები 2026 წლის ზაფხულის ტრენდული აქსესუარებია. ქუდი მარტო მზისგან არ გვიცავს, არამედ ლუქის ნაწილია და სხვადასხვა მომენტისთვის შესაფერისს ხდის, იქნება ეს პიკნიკი, უბრალოდ გასეირნება თუ საქმიანი დღე.
ქართელი დიზაინერის, ლუკა მიქაძის ქუდის "In Georgia King is a feminine noun" შეძენა შეგიძლიათTheDiary Concept House-ში, მიხეილ ზანდუკელის 15-ში.
თერმული სპრეი
ზაფხულის სიცხესა და ტენიანობაში ჩვენს კანს განსაკუთრებული მოვლა სჭირდება. ამიტომაც გირჩევთ, რომ ჩანთაში თერმული სპრეიც იქონიოთ. ბუნებრივი ანტიოქსიდანტური წყალი მომენტალურად ამშვიდებს, ატენიანებს და იცავს მგრძნობიარე კანს, თანაც მყისიერად აქრობს მზისგან გამოწვეულ სიწითლესა და წვის შეგრძნებას. თერმული სპრეის ჩანთით ტარება საუკეთესო გზაა კანის გამოსაცოცხლებლად, მზის მავნე ზემოქმედებისგან დასაცავად და მაკიაჟის შესანარჩუნებლად.
 |
|
2027 წლის სეზონიდან Gucci, დემნა გვასალიას კრეატიული დირექტორობით Alpine Formula One Team-ის პარტნიორი და სატიტულო სპონსორი იქნება. მრბოლელები სარბოლო წრეზე Gucci-ს ვიზუალური იდენტობით გაფორმებული მანქანებით იასპარეზებენ.
ფერადი, დიდი ზომის ბეჭდები, რომლებიც ყველაზე მარტივ ლუქსაც კი სრულიად ახალ ხასიათს სძენს, სეზონის მთავარი აქსესუარია. იმ ბრენდებს შორის, რომლებმაც ამ ტრენდის საინტერესო ვერსიები შექმნეს, არის ქართული NISSA – ხელნაკეთი სამკაულების ბრენდი, რომელსაც ნიცა მორჩაძე ქმნის.
მოდის სახლ Balenciaga-ს ახალი Pre-Fall კამპანიის მთავარ გმირად მსახიობი სარა პიჯონი გვევლინება. კამპანია სახელწოდებით „A New York Minute: Keep Rolling“ კინემატოგრაფიული ნამუშევარია, რომელიც მანჰეტენის უშრეტი, დაუღალავი ენერგიით არის შთაგონებული.
