მოდაში 90-იანების სტილი ბრუნდება და ამ სეზონზე ეს განსაკუთრებით თვალსაჩინოა. კაპრი შარვლები, კოპლებიანი სამოსი, იასამნისფერი, კუბოკრული პრინტი, „იზაბელ მარანტები“ და დაბალწელიანი ჯინსები ისევ აქტუალურია. მილენიალებისთვის ეს მათი თინეიჯერობის ესთეტიკაა, Gen Z-ისთვის კი ახალი ტრენდი.
TheDiary-ის რედაქცია წარმოგიდგენთ 90-იანების ტოპ ტრენდებს, რომლებსაც უკვე ყველგან ვხედავთ: ქუჩის სტილში, მოდის ჩვენებებზე და TikTok კრეატორების ფიდზე.
„იზაბელ მარანტები“
ქუსლიანი სპორტული ფეხსაცმელი, ე.წ. „იზაბელ მარანტები“, Gen Alpha-სა და Gen Z-ის ერთ-ერთი ფავორიტი ტრენდია.
ბაზარზე ბევრი განსხვავებული მოდელია, თუმცა Isabel Marant-ის ვერსიები კვლავ აქტუალურია. ტრენდი იმდენად პოპულარულია, რომ Puma-ს მსგავსმა ბრენდებმაც დაიწყეს საკუთარი მოდელების გამოშვება, რომლებიც Marant-ის ფეხსაცმელს კონკურენციას უწევს.
 |
 |
| ყიდვა | ყიდვა |
ბენდენა
ბენდენა 90-იანების გარდერობის კლასიკური დეტალია და ბოლო სეზონებზე მას სულ უფრო ხშირად ვხედავთ it გოგოების სტილში. თავზე, კისერზე, ჩანთაზე: ბენდენა ყველგანაა.
ზოი კრავიცი, „ეიფორიას“ ვარსკვლავი ალექსა დემი და კიდევ ბევრი ცნობილი სახე მას ზაფხულის ერთ-ერთ მთავარ აქსესუარად ატარებს.
 |
 |
| ყიდვა |
კაპრი შარვლები
ამ სეზონზე დღის წესრიგშია კაპრი შარვალიც. ის Khaite-ის, Jacquemus-ისა და Colleen Allen-ის ჩვენებებზე ვიხილეთ, რაც შემდეგ ქუჩის სტილში სწრაფად დამკვიდრდა.
კაპრი შარვლის დაბრუნება შემთხვევითი არ არის. 2026 წლის ზაფხულში ის ერთ-ერთი მთავარი ტრენდია. სიმართლე გითხრათ? ეს ის ტრენდია, რომლის დაბრუნებასაც ამ სეზონზე ყველაზე მეტად მივესალმებით.
|
|
 |
| ყიდვა | ყიდვა |
კოპლები
კოპლები კლასიკაა. 2025 წელს ეს პრინტი განსაკუთრებით აქტუალური გახდა და აქტუალობას არც 2026 წელს კარგავს.
ზაფხულში კოპლები ყველაფერს უხდება: კაბებს, შარვლებს, ქვედაბოლოებსა და საცურაო კოსტიუმებსაც კი. კოპლები მრავლად ვიხილეთ მაღალი მოდის ჩვენებებზეც: ალტუზარას შემოდგომის კოლექციაში da ჟაკემუსის გაზაფხული-ზაფხულის ჩვენებაზეც.
 |
 |
| ყიდვა |
დაბალწელიანი ჯინსი
დაბალწელიანი ჯინსები დაბრუნდა და ზოგადად, ჯინსი 2026 წლის გარდერობის ერთ-ერთი მთავარი ნივთია.
90-იანი წლების პოპკულტურიდან წამოსული ჯინსი 2026 წელს სხვადასხვა ფორმით ბრუნდება: ტანზე მომდგარი, თავისუფალი, განიერი ან დაბალწელიანი. ზაფხული წინ არის, ასე რომ არჩევანი თქვენზეა. ჯინსი თითქმის ყველაფერს უხდება და ყოველთვის აქტუალურია. ზოგჯერ ერთი კარგი დაბალწელიანი ჯინსი და თეთრი „შევარდნაძე“ მაისურიც კი საკმარისია იდეალური სტილის შესაქმნელად.
|
|
 |
| ყიდვა | ყიდვა |
Lisi Wonderland-ის თავდაგასავალს ლეგენდარული ფრანგული კონიაკის სახლი - Hennessy წელს პირველად შეუერთდა. ფესტივალი დიდი ხანია გასცდა მხოლოდ მუსიკალური ღონისძიების ჩარჩოებს - ის თავისუფლების, კრეატიულობისა და თანამედროვე ურბანული კულტურის მთავარ სიმბოლოდ იქცა. სწორედ ამიტომ, Hennessy-ის ფესტივალზე გამოჩენა აბსოლუტურად ბუნებრივი და ორგანული ნაბიჯი იყო.
Balenciaga-ს მაღალი მოდის კოლექციის ჩვენება პარიზში, Cité internationale universitaire-ის ბაღებში გაიმართა და თითქოს პასუხია კითხვაზე, როგორი შეიძლება იყოს Balenciaga დემნას შემდეგ. პიჩოლის პასუხი რომანტიკულია, მაგრამ არა სენტიმენტალური.
ზენდაია „ოდისეას“ პარიზის პრემიერაზე Givenchy Haute Couture-ის 1997 წლის ლუქით გამოჩნდა, რომელიც Alexander McQueen-ის პირველი კოლექციიდანაა Givenchy-ისთვის.
