2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.

დაახლოებით ერთი თვის წინ, თბილისის შუაგულში, ირაკლი აბაშიძის #61-ში, ახალმა კონცეპტუალურმა მაღაზიამ - Movement დაიდო ბინა. მაღაზიის დამფუძნებელი მარიამ აბულაძეა, რომლისთვისაც მოდა ცხოვრების უდიდეს ნაწილად უკვე წლებია იქცა.

„გამოხატე სიძლიერე თითოეულ ნაბიჯში“ - ქალის ფეხსაცმლის ქართული ბრენდის ANNA Shoes-ის ისტორია 20 წლის წინ იღებს სათავეს. პირველივე დღიდან ხარისხზე, დახვეწილ ვიზუალსა და ხელმისაწვდომ ფასებზე ორიენტირით, ბრენდმა ადგილობრივ ბაზარდე დამკვიდრება მარტივად მოახერხა. ANNA Shoes-ის თითოეული ფეხსაცმელი ხელნაკეთია და ხშირ შემთხვევაში ის ინდივიდუალურად იქმნება მომხმარებლისთვის.

მოდის ტრენდებითა და ტენდენციებით, გემოვნებიანი ჩაცმულობებით, თუ უბრალოდ ესთეტიკური ფოტოებით დაინტერესებულთა სიახლეების გვერდზე, MAO.GE ერთხელ მაინც აუცილებლად მოხვდებოდა. უკვე წლებია, რაც MAO.GE მოდის მოყვარულთათვის საყვარელ street style გვერდად იქცა. ბრენდად ჩამოყალიბებული ბლოგის უკან კი მეგობრები, იზაბელა და მაკუნა დგანან, რომლებიც მოდის სიყვარულმა, ათიათასობით გამომწერთან ერთად გააერთიანა.

აღმოჩნდა, რომ მოდის კვირეულების ციებ-ცხელებაში, ერთი მნიშვნელოვანი სიახლე გამოგვეპარა მხედველობიდან: სმაკის (მაია სირაძის) მიერ დაფუძნებულმა ბრენდმა SMAKI-მ, ამერიკის შეერთებულ შტატებში, შარლოტში გამართულ მოდის კვირეულზე მიიღო მონაწილეობა. სმაკიმ, კვირეულზე 2023/24 წლების Cosmic Girl კოლექცია წარადგინა, რომელიც, სრულად შთაგონებული იყო კოსმოსითა და მისი მრავალფეროვნებით.

თუკი თუშეთისკენ მიმავალ საკმაოდ ექსტრემალურ, თუმცა უმშვენიერეს გზაზე მოხვდებით, დამღლელი 4 საათის შემდეგ, აუცილებლად მიადგებით კაფეს „ღრუბლებს ზემოთ“, რომელშიც უგემრიელესი ყავითა და სახლში გამომცხვარი ნამცხვით, დაჯი და მისი ოთხფეხა მეგობარი - ტედი გაგიმასპინძლდებიან.

Nail Art-ის სილამაზის სახლი თბილისში, 5 წლის წინ, რამდენიმე თვიანი შრომისა და ძალისხმევის შედეგად შეიქმნა. სილამაზის სახლის თანადამფუძნებლებმა, მარეხი და ანა კეზუებმა, მოახერხეს და სწორი სტრატეგიის, საკომუნიკაციო ენისა და კონცეფციის შემუშავებით, Nail Art-ს ერთგული, მომხმარებლები შესძინეს, რომელთა რიცხვიც ყოველდღიურად იზრდება.

რბილ ავეჯს ინტერიერის დიზაინში მნიშვნელოვანი როლი ენიჭება, გარდა იმისა, რომ ის თვალისთვის მიმზიდველი და ინტერიერში თითოეულ დეტალთან ჰარმონიულად შერწყმული უნდა იყოს, ამასთანავე კომფორტულობით და ტევადობით უნდა გამოირჩეოდეს. როდესაც ახალი ქართული სტარტაპი Farfalle აღმოვაჩინეთ

„მიმო“ ხარისხიანი, ნატურალური და უსაფრთხო ქსოვილისგან შექმნილი საბავშვო ტანსაცმლისა და აქსესუარების ხაზია, რომელიც ქართულ ბაზარზე 2021 წელს გამოჩნდა და წარმატებით მოახერხა როგორც ერთგული მომხმარებლების მოზიდვა, აგრეთვე ზრდა და განვითარება.

საამაყო MarketingHub-ის შემქმნელებს ბევრი აქვთ, როგორც საკმაოდ მსხვილი და წარმატებული პროექტებისა თუ ბიზნესების პარტნიორობა, ასევე დინამიკურ გარემოში სწრაფად და წარმატებით ლავირების, კრიზისული მენეჯმენტის უნარების ფლობისა და კრეატიული მიდგომებით პროდუქტებისა თუ პროექტების წარმატებით განვითარება.