ზუსტად 1 თვეში, 2023 წლის 6 მაისს, მეფე ჩარლზ III-ისა და დედოფალ კამილას კორონაციაა ჩანიშნული. ცერემონია ლონდონის ვესტმინსტერის სააბატოში გაიმართება.
ვარაუდი გამართლდა, ისტორიული შემთხვევა წინამორბედებთან შედარებით უფრო ბიუჯეტური იქნება, კორონაციის ძირითადი დეტალები შენარჩუნდება, თუმცა სანახაობა ნაკლებ პომპეზური იქნება; (დედოფალი ელიზაბეტ II-ის 1953 წლის სამსაათიანი ცერემონია ბრიტანეთის საზოგადოებას 1,57 მილიონი ფუნტი დაუჯდა, ანუ იმ დროისთვის 1,74 მილიონი დოლარი, რაც დღევანდელი ეკვივალენტი დაახლოებით 50 მილიონი დოლარია). გადაწყვეტილება ბრიტანეთში ცხოვრების კრიზისითა და რეცესიითაა გამოწვეული.
„კორონაცია ასახავს მონარქის როლს დღეს და იყურება მომავლისკენ, იმავდროულად, ფესვგადგმული იქნება გრძელვადიანი ტრადიციებითა და დიდებულებით“ - აღნიშნავს სამეფო ოჯახის სპიკერი.
ბუკინგემის სასახლემ უკვე წარადგინა მოსაწვევი ბარათის ვიზუალი, რომელიც 2000 სტუმარს, 6 მაისის კორონაციის შესახებ ამცნობს და ვესტმინსტერის სააბატოს კედლებში განსაკუთრებულ სტუმრებად მიიპატიჟებს. მოსაწვევის დიზაინი ენდრიუ ჯეიმისონს ეკუთვნის და ის მრავალ საინტერესო დეტალს აერთიანებს. ილუსტრაციაზე, ჩარლზისა და კამილას გერბებთან ერთად ვხედავთ ორ ჩიტს, რომლებიც ჩამომსხდარი არიან ასო C-ზე (Charles and Camilla). მოსაწვევის საზღვრები მორთულია ფლორისა და ფაუნის ილუსტრაციებით, მასში გაცოცხლებულია ბრიტანული ველური ყვავილების მდელო, მდელოს ხეობის შროშანით, ველური მარწყვითა და როზმარინის ყლორტით.
ყვავილები დაჯგუფებულია სამ მტევნად, რაც დიდი ბრიტანეთის ისტორიაში, რიგით მესამე მეფე ჩარლზის აღმნიშვნელია.
მოსაწვევზე გამოსახული ყვავილები მიედინებიან ილუსტაციის ცენტრალურ ნაწილში გამოსახული კაცისკენ, რომელიც ბრიტანული ფოლკლორის უძველეს ფიგურას წარმოადგენს, გაზაფხულისა და აღორძინების სიმბოლოს, ახალი მეფის აღსანიშნად.
2022 წელს, დედოფალ ელისაბედ II-ის „გულწრფელი სურვილი“ იყო, კორნვოლის ყოფილ ჰერცოგინია კამილას დედოფალი კონსორტის ტიტული მიეღო. სწორედ ამიტომ 6 მაისს, მეფე ჩარლზ III-ის გვერდით, მისი კორონაციაც გაიმართება. კამილა გახდება პირველი დედოფალი კონსორტი 1937 წლის შემდეგ და თავზე დედოფალ მერის ალმასებით მორთულ გვირგვინს დაიდგამს.
1066 წლიდან მოყოლებული, ბოლო 9 საუკუნის განმავლობაში, ვესტმინსტერის სააბატო კორონაციის ცერემონიების ადგილად იქცა. ღვთისმსახურების დროს, რომელსაც დაესწრებიან მსოფლიო ლიდერები და სამეფო ოჯახის წევრები მთელი მსოფლიოდან, მეფე ჩარლზი დადებს ფიცს და წმინდა ედუარდის გვირგვინს დაიდგამს. გვირგვინი, დამზადებულია 22 კარატიანი ოქროსგან, ბრილიანტებისგან, ლალისგან, ამეთვისტოსგან, საფირონისგან, ბროწეულისგან, ტოპაზებისა და ტურმალინისგან.
ჩარლზის კორონაციის მრავალი დეტალი, რომელიც დაგეგმილი იყო ოპერაცია ოქროს ორბის კოდური სახელით, დიდი ხნით ადრეა გაწერილი, ათწლეულების წინ. საყოველთაოდ მოსალოდნელი იყო, რომ ბრიტანეთი მეფე ჩარლზ III-ის კორონაციის დღეს სახალხო დღესასწაულად გამოაცხადებდა, თუმცა, ეს ასე არ იქნება, რადგან ის შაბათ-კვირას ემთხვევა.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
