15–17 მაისს ბაქო პირველად უმასპინძლებს Mercedes-Benz Fashion Week-ს და ამით საერთაშორისო მოდის რუკაზე მტკიცედ დაიმკვიდრებს ადგილს. სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიური ინოვაციების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
ღონისძიების ლოკაციად Mercedes-Benz-ის თანამედროვე რეზიდენცია შეირჩა. პოდიუმზე კი ვიხილავთ იტალიის, საქართველოს, თურქეთის, ისრაელისა და სხვა ქვეყნების დიზაინერების კოლექციებს, განსხვავებულ ხედვებსა და ესთეტიკას. ხოლო გამოფენები და pop-up შოურუმები ადგილობრივ ბრენდებსა და ახალ სახეებს ფართო აუდიტორიის წინაშე წარადგენენ.
გარდა მოდის ჩვენებებისა, კვირეულის პროგრამა მოიცავს ინტერაქციულ პრეზენტაციებს, მოდის შესახებ საუბრებსა და პანელურ დისკუსიებს. ასე, რომ ეს იქნება სივრცე, სადაც ინდუსტრიის ლიდერები, კრიტიკოსები და დამწყები ხელოვანები ერთმანეთს იდეებს გაუზიარებენ.
ღონისძიება იმითაცაა გამორჩეული, რომ მისი პროგრამა ტექნოლოგიური ინოვაციებითაა გაჯერებული. ხელოვნური ინტელექტი, ვირტუალური რეალობა, Augmented reality აქტიურადაა გამოყენებული შოუებსა და პერფორმანსებში, რაც მოდის აღქმას სრულიად ახალ განზომილებას მატებს. სტუმრებს ელით ფუტურისტული იდეებით ნასაზრდოები არაერთი ჩვენება, რომელიც მოდის ინდუსტრიის მომავალზე თამამი განაცხადი იქნება.
Mercedes-Benz Fashion Week Azerbaijan მხოლოდ მოდის დღესასწაული არ იქნება - ეს იქნება პლატფორმა ინოვატორებისთვის, trendsetter-ებისთვის და მათთვის, ვისაც საზღვრების რღვევა სურთ. ამ პროცესში კი, ბაქოს იდენტობა იქმნება, როგორც მოდის სამყაროში მნიშვნელოვანი ქალაქის, სადაც ტრადიცია და თანამედროვეობა ინსპირაციულად ერწყმის ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
ოსკაროსანი რეჟისორი ემერალდ ფენელი „ქარიშხლიანი უღელტეხილის“ ეკრანიზაციას გვიმზადებს. მთავარ როლებში ავსტრალიელ მსახიობებს, მარგო რობისა და ჯეიკობ ელორდის ვიხილავთ.
