ოფიციალურად, პრინცი ჰარი და მეგან მარკლი ფილმის გადაღებას გეგმავენ და ის სამეფო ოჯახთან კავშირში სულაც არ იქნება. 7 აგვისტოს, Penguin Random House-მა დაადასტურა ინფორმაცია იმის შესახებ, რომ სასექსის ჰერცოგისა და ჰერცოგინიას საპროდიუსერო კომპანია Archewell-მა, New York Times-ის ბესტსელერ რომანზე Meet Me at the Lake-ზე უფლებები მოიპოვა. ჰარი და მეგანი რომანის ადაპტაციას Netflix-თან ერთად გადაიღებენ.
ბესტსელერი წიგნის ავტორმა, კარლი ფორტუნმა განაცხადა, რომ ის აღფრთოვანებულია Netflix-თან და Archewell-თან თანამშრომლობის შესაძლებლობით და ერთი სული აქვს იხილოს ისტორია ეკრანებზე.
რომანი მოგვითხრობს წყვილის, უილისა და ფერნის ისტორიის შესახებ, რომლებიც ერთმანეთს საკუთარი ცხოვრების 30-იან წლებში ხვდებიან და ერთად ცდილობენ ბავშვობის ტრავმების გადალახვას. მიუხედავად იმისა, რომ რომანს სამეფო ოჯახთან კავშირი არ აქვს, გამოგონილი პერსონაჟების ისტორია, თითქოს ჰარისა და მეგანის ცხოვრების ერთგვარი ანარეკლია.
ეკრანიზაციაში, აუცილებლად შევხვდებით ისეთ თემებს, როგორიცაა ავტოკატასტროფაში მშობლის დაკარგვა და ამ დანაკარგით ცხოვრების გაგრძელება, რაც პრინც ჰარის პირადად გამოუცდია პრინცესა დიანას გარდაცვალების შემდეგ. აგრეთვე პოსტ სამშობიარო დეპრესიას და ბრძოლას, რაზეც 2021 წელს, მეგან მარკლმა ოპრა უინფრისთან ინტერვიუში ისაუბრა.
რომანში მოქმედება ვითარდება ტორონტოს მახლობლად, სადაც მეგან მარკლი ცხოვრობდა, როდესაც მან დაიწყო ჰარისთან შეხვედრა და შოუს Suits-ის გადაღებები. Meet Me at the Lake აგრეთვე ყურადღებას ამახვილებს ფსიქიკური ჯანმრთელობის გამოწვევებზე, რაზეც პრინცმა თავის მემუარებში, Spare ვრცლად ისაუბრა.
Meet Me At The Lake-მა ხუთი კვირა გაატარა New York Times-ის ბესტსელერების სიაში და მაისში პირველად გამოქვეყნების დღიდან, Goodreads-ის 95000-ზე მეტი რეიტინგი დააგროვა.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
