სასექსის ჰერცოგისა და ჰერცოგინიას ოჯახში მატებაა! მეგან მარკლი და პრინცი ჰარი, რიგით მეორე შვილს ელოდებიან. სიახლის შესახებ, ვალენტინობის დღეს გახდა ცნობილი, წყვილის ნდობით აღჭურვილი პირისგან, რომელმაც The Guardian-თან მიცემულ ინტერვიუში სასიხარულო ამბავი გააჟღერა, მოგვიანებით კი სიახლე თავად მეგანმა და პრინცმა ჰარიმაც დაადასტურეს.
ჩვენ შეგვიძლია დაზუსტებით გითხრათ, რომ არჩი უფროსი ძმა გახდება. სასექსის ჰერცოგი და ჰერცოგინია მოხარული არიან იმ ფაქტით, რომ მათ მალე მეორე შვილი შეეძინებათ.
სიახლის გავრცელებიდან სულ რამდენიმე წუთში, ფოტოგრაფმა მეისონ ჰარიმანმა მეგანისა და პრინცი ჰარის ახალი პორტრეტი გამოაქვეყნა, რომელშიც სასექსის ჰერცოგინიას წამოზრდილი მუცელი უკვე ნათლად ჩანს. მეგანს უმშვენიერესი თეთრი კაბა ამშვენებს, რომელიც Carolina Herrera-მ ექსკლუზიურად ამ პორტრეტისთვის შექმნა.
შეგახსენებთ, რომ 2020 წლის ივლისის თვეში სასექსის ჰერცოგინიას მუცელი მოეშალა, ამ დანაკარგის შესახებ მეგანმა მხოლოდ რამდენიმე თვის შემდეგ, The New York Times-ში გამოქვეყნებულ ესეში ისაუბრა.
არჩის საფენებს ვუცვლიდი, როდესაც მოულოდნელად ძლიერი ტკივილი ვიგრძენი. მეორე წუთას იატაკზე დავვარდი, არჩი ხელში მეჭირა, მას იავნანა ვუმღერე, რათა ორივე დავმშვიდებულიყავით.
"მხიარული სიმღერა კონტრასტში მოდიოდა ჩემს ემოციებსა და გრძნობებთან, ვიცოდი, რაღაც რიგზე ვერ იყო. ნელნელა იმის გაცნობიერება დავიწყე, რომ იმ მომენტში, როდესაც პირველ შვილს გულში ვიკრავდი, მეორეს ვკარგავდი. რამდენიმე საათის შემდეგ საავადმყოფოს პალატაში ვიწექი და მეუღლის ხელი მეჭირა. პალატის ცივი, თეთრი კედლების თვალიერებისას, ვცდილობდი წარმომედგინა, როგორ შევძლებდით ამ სიტუაციის გადალახვას".
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
ამერიკელი მომღერალი Lizzo, ინსტაგრამის მეშვეობით მოულოდნელ განაცხადს აკეთებს. ის ამბობს, რომ ტყუილებითა და ბრალდებებით დაიღალა და SHE QUITS. მუსიკის სამყარო და მისი გულშემატკივრები ცდილობენ, გაიგონ აპირებს თუ არა მომღერალი კარიერის დასრულებას, თუ ამ სიტყვების უკან სხვა გზავნილი იმალება.
