სოხუმის დრამატულ თეატრში დღეს, დიდი პრემიერაა ჩანიშნული, 6, 7 და 8 აპრილს, თეატრის სცენაზე „ვთამაშობთ კაბუკის” პირველად წარსდგება მაყურებლის წინაშე. სპექტაკლი მისტიკური კომედიაა მარადიული სიყვარულის, კარმისა და ბედის ძალების შესახებ. საოცრად ლამაზი და პოეტური ენით დაწერილი პიესა მოგვითხრობს ახალგაზრდა სამურაისა და გოგონას სიყვარულის ამბავზე.
მე-15 საუკუნის იაპონური პიესის „აბრეშუმის ფარანის” მიხედვით დადგმული სპექტაკლის რეჟისროი დავით პაპავაა, რომელმაც ერთ-ერთი ყველაზე პოპულარული პიესის ქართული ანალოგი რამდენიმე უჩვეულო ელემენტით შექმნა.
ყველაზე მნიშვნელოვანი ცვლილება სამსახიობო გუნდს შეეხო, ტრადიციულად, ორიგინალი პიესა იაპონიაში სრულად მამაკაცი მსახიობების მონაწილეობით იდგმება, იაპონიაში სწორედ ისინი ასრულებელ ორივე სქესის როლს, დავით პაპავამ მამაკაცების ნაცვლად, „ვთამაშობთ კაბუკის” სრულად ქალ მსახიობებს მიანდო. სპექტაკლში მონაწილეობენ: ნანკა გვარიშვილი, სანათა ძაძამია, მარიამ სარდანაშვილი, ქრისტინე ჩხიკვაძე, ეკატერინე არჩაია, მარინა სოლომონია, ჯულიეტა პაკელიანი, ვერიკო კალანდია, ლონდა კაცია, ნინო პაპავა, მილენა აჟიბა.
აღსანიშნავია ის ფაქტი, რომ პიესაში ქართველ მსახიობებთან ერთად აფხაზი მსახიობები: ნინო პაპავა და მილენა აჟიბა მონაწილეობენ.
„ვთამაშობთ კაბუკის” სცენოგრაფია და კოსტიუმების დიზაინი Molu-ს ეკუთვნის, სპექტაკლის ქორეოგრაფი ნათია ბუნტური გახლავთ, მუსიკალური გაფორმება კი დავით საყვარელიძეს ეკუთვნის.
სპექტაკლზე დასასწრები ბილეთების შეძენა, ჯერ კიდევ შესაძლებელია tkt.ge-ზე, თეატრის მოყვარულებს, გირჩევთ, ეს შანსი ხელიდან არ გაუშვათ.
ფოტო: აფხაზეთის საინფორმაციო - ანალიტიკური ცენტრი
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
