სპორტული შეჯიბრების ერთ-ერთი მთავარი მოვლენა ტოკიოს ზაფხულის ოლიმპიადა დღეს, 23 ივლისს დაიწყო და 8 აგვისტომდე გასტანს. ისტორიაში მეორედ, იაპონიის დედაქალაქი ტოკიო ოლიმპიურ თამაშებს მასპინძლობს, სადაც 206 ქვეყნის 11 ათასზე მეტი სპორტსმენი იღებს მონაწილეობას. ტოკიოს ზაფხულის ოლიმპიადა 2020 წელს იყო ჩანიშნული, თუმცა კორონავირუსის პანდემიის გამო ოლიმპიურმა თამაშებმა 1 წლით გადაიწია, თუმცა ღონისძიებამ სახელი შეინარჩუნა.
ტოკიოს ზაფხულის ოლიმპიადა 2020 არა ერთი ცვლილებით დაგვიბრუნდა, ოლიმპიადაში 4 ახალი სპორტული შეჯიბრი გამოჩნდა, მათ შორისაა სკეიდბორდინგი, სერფინგი, სპორტული ცოცვა და კარატე.
სკეიდბორდინგის დამატება ტოკიოს ოლიმპიურ თამაშებში პირველ ყოვლისა ახალგაზრდების სეგმენტზე არის გათვლილი, IOC-ის პრეზიდენტმა ტომას ბახმა განაცხადა, რომ სპორტის ეს სახეობა იმიტომ დაემატა ოლიმპიადას, რომ "ჩვენ ვეღარ დაველოდებოდით როდის მოვიდოდნენ ახალგაზრდები ჩვენთან, დროა თავად მივიდეთ მათთან".
სერფინგის შეჯიბრში მონაწილეობას არა ერთი ჯილდოს მფლობელი ავსტრალიელები, ამერიკელები და ბრაზილიელები მიიღებენ, ოლიმპიური თამაშების ამ სახეობის გაუმჯობესებას 2024 წლისთვის აპირებენ, მანამ კი მსოფლიოს ერთ-ერთ ყველაზე ძლიერ სერფერებს ვადევნოთ თვალი.
კლდეზე ცოცვა როგორც სპორტის სახეობა უკვე წლებია მსოფლიოს გარშემო პოპულარობით სარგებლობს, სწორედ ამ პოპულარობის გამო ტოკიოს ზაფხულის ოლიმპიადაში ამ სახეობასაც ვიხილავთ, სპორტსმენები ერთმანეთს უმოკლეს დროში სპორტულ ცოცვაში შეეჯიბრებიან.
ბოლოს კი წარმოგიდგენთ კარატეს, რომელიც ოლიმპიადაზე მოხვედრას 1970-იანი წლებიდან ცდილობდა და მისი დამტკიცება მხოლოდ 2015 წელს მოხდა, როდესაც IOC-მა სპორტის ამ სახეობას შანსი მისცა.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
