რა წიგნები აჩუქა WHITE LOTUS-ში ჩელსიმ საქსონს?
„თეთრი ლოტუსის“ მესამე სეზონში საქსონ რატლიფის პერსონაჟი თვალსაჩინო ტრანსფორმაციას გადის — ჩელსის და ბუდისტური ლიტერატურის დახმარებით, პრივილეგირებული nepo baby სულიერ ძიებას იწყებს.
ტიმოთი შალამე ბობ დილანის ბიოგრაფიულ ფილმში
22 მარტი 2024ბობ დილანის ბიოგრაფიულ ფილმში მუსიკოსის როლს 28 წლის მსახიობი, ტიმოთი შალამე შეასრულებს.
ფილმი ცნობილი მომღერლის კარიერის დასაწყისს შეეხება და მის 1960-იან წლებში ცხოვრებას ასახავს. თავდაპირველად ბობ დილანის ბიოგრაფიულ კინოსურათზე ინფორმაცია 2020 წლის იანვარში გავრცელდა, თუმცა გადაღებები ახლახან დაიწყეს. უამრავი შეფერხების მიუხედავად, ფილმს თავად ბობ დილანისგან სრული მხარდაჭერა აქვს. მომღერალმა რეჟისორს, ჯეიმს მანგოლდს, ფილმის სცენარზე დეტალურად ანოტირებული შენიშვნები გაუგზავნა.
როგორც რეჟისორი აღნიშნავს, ფილმი “A Complete Unklnown” მუსიკოსის ცხოვრების გარდამტეხ მომენტზე კონცენტრირდება და ბობ დილანის Folk მუსიკის ლეგენდად გადაქცევის შესახებ მოგვიყვება. მოქმედება ნიუ იორკში მიმდინარეობს და Mr. Tambourine Man-ის ავტორის ცხოვრებას იმ პერიოდიდან მიჰყვება, როცა ის 17 წლის ასაკში 16 დოლარით დიდ ქალაქში გაემგზავრა.
ტიმოთი შალამეს გარდა, ფილმში არაერთ ცნობილ მსახიობს შევხვდებით. ედვარდ ნორტონი ცნობილი მუსიკოსს პიტ სიგერს განასახიერებს, ხოლო ელ ფენინგი - ბობ დილანის სიყვარულის ინტერესს, სილვი რუსოს.
ფილმი მიუზიკლის ჟანრის იქნება. ტიმოთი შალამე ბობ დილანის ცნობილ სიმღერებს თავად შეასრულებს. იგი რამდენიმე წელია გიტარაზე დაკვრას სწავლობს და იგივე ვოკალის გუნდი ჰყავს დაქირავებული, ვინც ოსტინ ბატლერს “ელვისის” გადაღებებისთვის ამზადებდა. როგორც ტიმოთის ვოკალის მწვრთნელმა, ერიკ ვეტრომ, ინტერვიუში განაცხადა, გულშემატკივრები გაოცებულნი იქნებიან მსახიობის ხმითა და მონაცემებით.
გადაღებები რამდენიმე დღის წინ ნიუ იორკში დაიწყო, შესაბამისად გადასაღები მოედნიდან მსახიობის პირველი პაპარაცული ფოტოებიც გამოჩნდა. კადრებში ტიმოთის ველვეტის ქურთუკით, მდოგვისფერი ნაქსოვი შარფითა და მომღერლის ჩაცმულობის მთავარი ატრიბუტით biker cap-ით ვხედავთ.
“A Complete Unknown”-ის გამოსვლის თარიღი ჯერჯერობით უცნობია, თუმცა მუსიკისა და ბიოგრაფიული ფილმების მოყვარულებს მანამდე გირჩევთ ბობ დილანზე გადაღებულ სხვა ფილმებს, “I’m not there” ან “Rolling thunder revue”, ჩაუჯდეთ.
არ გამოგრჩეთ
თამთა თავართქილაძისთვის მუსიკა იდენტობის არსი და ემოციებში მოგზაურობაა
გაიცანით თამთა თავართქილაძე, რომლის ელექტრონულ ტრეკში, სახელად „საქართველო“, ზურაბ ჟვანიას ხმა ელექტრონული მუსიკის ფონზე დიდებულად ჟღერს. წაიკითხეთ მის შემოქმედებაზე, მუსიკალურ მოგზაურობაზე, ინსპირაციასა და მომავალ პროექტებზე The Diary-ს ექსკლუზივ ინტერვიუში.
ფილმი „ჯოი“ - ისტორია ადამიანზე, რომლის დაბადებაც ძალიან უნდოდათ
2024 წლის ფილმი Joy ინ ვიტრო განაყოფიერების სამეცნიერო გადატრიალებაზე მოგვითხრობს. ეს არის ემოციური და ადამიანური დრამა, რომელიც მეცნიერების ჯგუფის ბრძოლას ასახავს – სკეპტიციზმის, ეთიკური დილემებისა და სოციალური გამოწვევების წინააღმდეგ.