| ანნა მათიაშვილი |
ბოლო წლებში თბილისში არც თანამედროვე ხელოვნება და არც გამორჩეული გამოფენები გვაკლია. ქართული თანამედროვე ხელოვნების განვითარების გზაზე უმნიშვნელოვანესი როლი ითამაშა ღონისძიებამ, რომელიც დღეიდან ღიაა სტუმრებისთვის. უკვე მეოთხე წელია, რაც ქართველი, თუ უცხოელი არტისტების გამორჩეული ნამუშევრები Tbilisi Art Fair-ზე იყრის თავს. რეგიონის ყველაზე მასშტაბური გამოფენა-გაყიდვა ევროპისა და აზიის არაერთ გალერეასა და დამოუკიდებელ მხატვართან თანამშრომლობს. ხელოვნების ბაზრობას წელსაც ExpoGeorgia-ს საგამოფენო სივრცე მასპინძლობს და მისი დათვალიერება 11-დან 14 აპრილის ჩათვლითაა შესაძლებელი.
ღონისძიების მთავარი მიზანი ევროპისა და აზიის ყურადღების მიღმა დარჩენილი, თუმცა არანაკლებ ღირსეული სახელოვნებო სცენების წინ წამოწევა და ფართო საზოგადოებისთვის გაცნობაა.
ღონისძიება ასევე სტიმულს აძლევს ახალგაზრდა, დამწყებ არტისტებს და ერთმანეთთან აკავშირებს კოლექციონერებს, კურატორებსა და ხელოვანებს ადგილობრივ, თუ საერთაშორისო არენაზე. თბილისის ხელოვნების ბაზრობა ხელს უწყობს ხელოვანთა მობილობას სხვადასხვა ქვეყნის შემოქმედებითი, თუ არტისტული პროექტებისთვის. ყოველივე ეს ახალგაზრდა ხელოვანებისთვის პროფესიული უნარების გაუმჯობესებასთან ერთად, არამედ ცნობადობის გაზრდისა და ფინანსური გაძლიერების შანსებს ზრდის.
ბაზრობაზე 40-მდე გალერეის წარმომადგენლები იყრიან თავს, მათ შორის ესპანეთიდან, საფრანგეთიდან და დიდი ბრიტანეთიდან. მათ გარდა გამოფენა-გაყიდვაზე გალერეებისგან დამოუკიდებელი, ინდივიდუალური არტისტების ნამუშევრები დაგხვდებათ, რომლებიც TAF-ის ცალკეულ სექციაში “Hive” იქნება თავმოყრილი. მისი მონაწილეები ქართველი და უცხოეული სპეციალისტებისგან დაკომპლექტებულმა ჟიურიმ აარჩია.
ნამუშევრების დათვალიერებისა და შეძენის გარდა, თბილისის ხელოვნების მუზეუმზე პროფესიონალი მხატვრებისა და კურატორების გამოსვლების მოსმენაც შეგეძლებათ.
TAF ქართველ საზოგადოებას უნიკალურ შანსს აძლევს, გაეცნოს ქართულ და უცხოურ თანამედროვე მხატვრობა, ფოტოგრაფიასა თუ ხელოვნების სხვა დარგს ერთ სივრცეში. თუ ხარ დამწყები ხელოვანი, ან უბრალოდ ქართული კულტურის განვითარების მომსწრე გინდა გახდე, აუცილებლად უნდა ესტუმრო ექსპო ჯორჯიას. ბილეთის ფასი 25 ლარს შეადგენს, ხოლო მისი შეძენა Tkt.ge-ზე შეგიძლიათ. სტუდენტებისა და პენსიონერებისთვის კი ბილეთის ღირებულება 10 ლარია. სპეციალური ფასი ადგილზე შეძენისას იმოქმედებს.
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
