ბრუნო მარსისა და Imagine Dragons-ის კონცერტის შემდეგ წელსაც გვეძლევა შანსი ჩვენს საყვარელ ჯგუფებს “ლაივში” ქვეყნიდან გაუსვლელად მოვუსმინოთ. Black Sea Arena გასართობი ინდუსტრიის განვითარების მიზნით კვლავ აგრძელებს Starring Georgia-ს კამპანიას და შეკვეთილში ამჯერად Scorpions-ის, Jungle-ისა და OneRepublic-ის კონცერტებს გამართავს.
OneRupeblic
OneRupeblic ამერიკული პოპ-როკ ბენდია, რომელიც 2002 წელს შეიქმნა. წარმატებას მხოლოდ რამდენიმე წელში მიაღწიეს და მათი რიგით მესამე ალბომი “Native” Billboard top 200-ის ათეულში შევიდა. სწორედ ამ ალბომის ნაწილია ჯგუფის ყველაზე ცნობილი სიმღერა “Counting stars”, რომელიც 3 მილიარდი მოსმენით დეკადის ერთ-ერთი ყველაზე წარმატებული ჰიტი გახდა. Black Sea Arena-ზე One Republic აქამდეც გამოჩენილა Human-ის ტურის ფარგლებში, თუმცა წელს ბენდი ქართველი ფანებისთვის საოცნებო სოლო კონცერტს 10 მაისს გამართავს. ბილეთების ყიდვას 29 მარტს Tkt.ge-სა და BSA.ge-ზე შეძლებთ.
Scorpions
როკის მოყვარულებისთვის განსაკუთრებულად სასიხარულოა გერმანული როკის ლეგენდის Scorpions-ის ხილვა, რომელიც Black Sea Arena-ს სცენაზე 31 მაისს წარდგება. Scorpions განსაკუთრებულია იმით, რომ ყველა ასაკის მსმენელს უყვარს და 60-იანი წლებიდან მოყოლებული დღემდე არ კარგავს აქტუალობას. თავდაპირველად, ჰანოვერში დაფუძნებული როკ-ჯგუფი ცნობილი გახდა პაციფისტური სიმღერით “Wind Of Change”. ის კლაუს მაინმა ცივი ომის დასასრულს დაწერა და დღემდე ერთ-ერთი ყველაზე გაყიდვადი სინგლის სტატუსი უჭირავს. როკის ერთგულ ფანებს ამ და სხვა ლეგენდარული სიმღერების მოსასმენად ბილეთების შეძენა 3 აპრილს შეგეძლებათ. შეგახსენებთ, რომ Scorpions 2016 წელს უკვე გამოჩნდა ქართველი მსმენელის წინაშე და მაყურებელს დაუვიწყარი შოუ აჩუქა.
Jungle
აგვისტოში შეკვეთილის სცენა ბრიტანულ ელექტრონული მუსიკის ბენდს - Jungle-ს დაეთმობა. ჯგუფი 2013 წელს ლონდონელმა მუსიკოსებმა ჯოშ ლოიდ-უოთსონმა და ტომ მაკფარლანდმა შექმნეს და 2014 წელს ცნობილი კომპოზიცია Busy Earnin’ გამოუშვეს. მათი განსხვავებული მუსიკა მაშინვე მოექცა კრიტიკოსების ყურადღების ცენტრში და დღემდე იღებს მსმენელთა სიყვარულს. მიუხედავად იმისა, რომ Jungle-ის შემოქმედება Nu disco-ს და Funk-ის ჟღერადობითაა შთაგონებული, ელექტრონულ მუსიკასთან ერთად აქტიურად იყენებენ ჰიპ-ჰოპის, ნეო სოულისა და კლასიკური R&B-ის ელემენტებს. Jungle-ის კონცერტი 18 აგვისტოს შედგება, ხოლო ბილეთების გაყიდვა 17 აპრილს დაიწყება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
