2021 წელს, „ევროვიზიაზე“ იტალიური როკჯგუფის Måneskin-ის სრული ტრიუმფის შემდეგ, მსოფლიოში ერთ-ერთ ყველაზე პრესტიჟულ მუსიკალურ კონკურსს სწორედ იტალიის ქალაქი ტურინი მასპინძლობს. საერთაშორისო პროექტის რიგით 66-ე კონკურსი გასულ ღამეს დაიწყო, პირველმა ნახევარფინალურმა შოუმ 10 კონკურსანტი გამოავლინა (შვეიცარია, სომხეთი, ისლანდია, ლიეტუვა, პორტუგალია, ნორვეგია, საბერძნეთი, უკრაინა, მოლდოვა და ნიდერლანდები), რომლებიც გამარჯვებისთვის ფინალურ ეტაპზე იბრძოლებენ.
დღეს, „ევროვიზიის“ მეორე ნახევარფინალს მეტი ენთუზიაზმით ვხვდებით, რადგან სწორედ დღეს მე-5 ნომრად ევროფესტივალზე საქართველოს წარმომადგენლების Circus Mircus-ის გამოსვლას ვიხილავთ. საქართველო საერთაშორისო მუსიკალურ კონკურსში წელს მე-14 იღებს მონაწილეობას, მუსიკალურ ჯგუფს კი მე-5-ედ წარადგენს.
2022 წლის „ევროვიზიის“ ნახევარფინალზე ქართველი წარმომადგენლები სიმღერით Lock Me In წარდგებიან, თუმცა მანამ სანამ მუსიკოსების გამოსვლას მილიონობით მაყურებელთან ერთად ვიხილავდეთ, მეტი შევიტყოთ Circus Mircus-ის შესახებ.
რა არის Circus Mircus?
Circus Mircus-ის შესახებ ძალიან ცოტა რამ არის ცნობილი, მათ ოფიციალურ Facebook გვერდზეც კი მუსიკოსების სახეები დაფარულია. ის რისი თქმაც დანამდვილებით შეგვიძლია ის გახლავთ, რომ ჯგუფი სულ ოთხი წევრისგან შედგება და Circus Mircus 2020 წელს ჩამოყალიბდა, მას შემდეგ რაც მისმა წევრებმა ადგილობრივი ცირკის აკადემია მიატოვეს.
„ჩვენ არ ვიყავით საკმარისად კარგები, ალბათ ყველაზე უარესები გუნდში, სწორედ ამიტომ დავმეგობრდით“ - Circus Mircus
ჯგუფის უცნობი წევრების ეტაპობრივად გაცნობა Circus Mircus-ის კონცეფციის ორიგინალური ნაწილი გახლდათ. კითხვაზე, თუ რა არის Circus Mircus, ჯგუფის წარმომადგენლებმა ჯერ კიდევ გასულ წელს გაგვცეს პასუხი: „ეს არის მოძრაობა, რომელიც აერთიანებს ათობით სხვადასხვა დარგის პროფესიონალს. მათი მიზანია, შექმნან აქამდე არნახული აუდიო-ვიზუალური გამოცდილება. მათი ფილოსოფიის ქვაკუთხედი კი მდგომარეობს მუსიკალური ჩარჩოების სრულ უგულებელყოფაში“.
საქართველოს წიგნის გამომცემელთა და გამავრცელებელთა ასოციაცია 26 მაისიდან 29 მაისის ჩათვლით გიწვევთ თბილისის წიგნის 24-ე საერთაშორისო ფესტივალზე. წიგნის მოყვარულებს ფესტივალი, ტრადიციულად, ექსპო ჯორჯიას პავილიონებში უმასპინძლებს.
ომის დღიურები არის მულტიმედიური პროექტი, რომელიც აერთიანებს მხატვრებს და მუსიკოსებს, მსახიობებსა და მწერლებს, პროექტი მიზნად ისახავს სიტყვის გავრცელებას უკრაინიდან. ხელოვნების ღონისძიებების ფორმები, როგორიცაა გამოფენები, მუსიკალური ცხოვრება და ხელმისაწვდომი გამოხატვის სხვა საშუალებები წარმოდგენილია სხვადასხვა ღონისძიებით.
თანამედროვე ტექნო სცენის ერთ-ერთ ყველაზე გამორჩეული და მნიშვნელოვანი გერმანელი არტისტი ბორის ბრეჟა საქართველოს ესტუმრება. 27 მაისს Warehouse 2/მე2 პავილიონში, MONUMENT დაუვიწყარ მუსიკალურ თავგადასავალს გვპირდება.
