| თეო კარანაია |
ტომ რიპლი ამერიკელი მწერლის, პატრიცია ჰაისმითის პერსონაჟია. ფსიქოლოგიური ტრილერი 1955 წელს გამოქვეყნდა და რამდენიმე მნიშვნელოვანი ლიტერატურული ჯილდოც დაიმსახურა. 1956 წელს ნომინირებული იყო ედგარ ალან პოს ჯილდოზე საუკეთესო მოთხრობის კატეგორიაში, ხოლო 1957 წელს მოთხრობამ საუკეთესო კრიმინალური ნაწარმოების ჯილდო დაიმსახურა. 2019 წელს მისტერ რიპლის ისტორია BBC-მ 100 ყველაზე შთამაგონებელ ნაწარმოებთა სიაში შეიტანა. ტომ რიპლის თავგადასავლებმა წიგნის ფურცლებიდან კინოეკრანებზეც გადაინაცვლა.
1960 წელს, რენე კლემენტის რეჟისორობით, წიგნის ადაპტაცია მოხდა. ფილმში ,,კაშკაშა მზე“ იმ პერიოდის ამომავალი ვარსკვლავი, ალენ დელონი მონაწილეობდა. ნაწარმოების კიდევ ერთი, უფრო წარმატებული ეკრანიზაცია ,,ნიჭიერი მისტერ რიპლი“ გახლავთ, რომელმაც პატრიცია ჰაისმითის მიერ შექმნილ პერსონაჟს საყოველთაო აღიარება მოუტანა. ენტონი მინგელას რეჟისორობით შექმნილ ფილმში 90-იანი წლების გამორჩეული სახეები, მეტ დეიმონი, გვინეტ პერტლოუ და ჯუდ ლოუ მონაწილეობენ.
ფილმი იმ პერიოდის დახვეწილი სტილით, ამერიკული ესთეტიკითა და მსახიობების განსაკუთრებულად ორგანული თანამშრომლობით გამოირჩევა. მსახიობთა ამ სამეულის მიერ შესრულებული როლები, დღემდე ბევრი კინომოყვარულისთვის შთაგონების წყაროა. კინომოყვარულებთან ერთად ფილმს ინსპირაციისთვის მოდის მოყვარულებიც მიმართავენ, რადგან მასში კარგადაა ნაჩვენები იმ ეპოქის სტილი და საერთო ესთეტიკა.
ამჯერად, ნიჭიერი და მოხელთებული მისტერ რიპლის ისტორიას ნეტფლიქსი ახალ მედიუმში, ტელესერიალში გააცოცხლებს. ვარსკვლავური სამეული კი ასე გამოიყურება: ენდრიუ სკოტი ტომ რიპლის პერსონაჟს განასახიერებს, დაკოტა ფენინგი მერჯი შერვუდის როლს მოირგებს, ხოლო ახალბედა ბრიტანელი მსახიობი, ჯონ ფლინი ახალგაზრდა მილიონერის და რიპლის სამიზნის, დიკი გრინლიფის როლში მოგვევლინება. ნეტფლიქსის ახალი, 9 ეპიზოდისგან შემდგარი მინისერიალი, სახელწოდებით ,,რიპლი“, ტელეეკრანებზე 4 აპრილს გამოჩნდება. მანამდე, მაყურებელს ტელესერიალის ტრეილერის ნახვის შესაძლებლობა აქვს.
აღსანიშნავია, რომ სერიალი 60-იანი წლების ესთეტიკის შენარჩუნების მიზნით, შავ-თეთრ ფერებშია გადაღებული. რეჟისორის, სტივენ ზაილიანის თქმით, ჰაისმითის ნაწარმოებზე ფიქრისას, მხოლოდ შავ-თეთრი კადრების წარმოდგენა შეეძლო და ნაწარმოების ვიზუალური რეპრეზენტაციაც მხოლოდ ამ ფორმით ესახებოდა.
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
