პენტჰაუზი, რომელზეც დღეს მოგიყვებით Gucci-ს მამა დამფუძნებლის, გუჩიო გუჩის შვილთაშვილებს, ალესანდრა და ალეგრას ეკუთვნით. გოგოების მამამ, მაურიციო გუჩიმ ეს სახლი, რომელიც მანჰეტენის ცენტრალურ ნაწილში მდებარეობს, გასული საუკუნის 70-იან წლებში შეიძინა. აქვე შეგახსენებთ, მაურიციო გუჩის სახელი ფართოდ ცნობადი 2021 წელს გახდა, როდესაც რიდლი სკოტმა საზოგადოებას ფილმი House of Gucci წარუდგინა. სწორედ ამ კინოსურათში არის აღწერილი მაურიციო გუჩის ცხოვრება და გარდაცვალება, ეს ბოლო კი საკუთარმა მეუღლემ 2 დაქირავებულ მკვლელს შეუკვეთა. ძალიან რთული ცხოვრება გამოიარეს უდედმამოდ დარჩენილმა ალესანდრა და ალეგრამ, თუმცა, ეს უკვე სხვა სტატიის თემაა, რომელზეც სხვა დროს აუცილებლად დეტალურად მოგიყვებით.
პენტჰაუზის, რომელიც 880 კვადრატული მეტრია და 8 საძინებელი ოთახს მოიცავს, გუჩის შთამომავლებმა გაყიდვა არაერთხელ სცადეს. კერძო საკუთრება ხან 45 მილიონ დოლარად იყიდებოდა, ბოლო მონაცემებით კი $ 35 მლნ იყო გასაყიდად განთავსებული.
ოლიმპიური კოშკის 50-ე და 51-ე სართულებზე მდებარე დუპლექსის დიზაინი შუა საუკუნის ფერადი და თანამედროვე ავეჯისა და ძენ დეკორის მიქსია. ძენ დეკორის სტილი კი მოიცავს სიმარტივეს, მინიმალიზმს და ბუნებრივ მასალებს ყენებს მხოლოდ.
დუპლექსის იდეა თავად მაურიციო გუჩის გაუჩნდა. მან 2 სართულის სხვადასხვა აპარტამენტი გააერთიანა. ზედა სართული მისაღებ და მოსასვენებელ ოთახს, სამზარეულოსა და ბიბლიოთეკისა მოიცავს. ქვედა სართული კი საძინებელი ოთახებისგან შედგება.
პენტჰაუზის ზედა სართულიდან გასაოცარი ხედი იშლება ნიუ-იორკზე, თვალწინ გაქვთ თავისუფლების ქანდაკება, მსოფლიო სავაჭრო ცენტრი და Empire State Building-ი.
აპარტამენტის ქვედა სართულზე კიბეების ან ლიფტის მეშვეობით მოხვდებით, რომელიც არა ერთი, არამედ ორია. ამავე სართულზე არის განლაგებული საძინებელი ოთახები სველი წერტილებით.
გუჩის ოჯახის აპარტამენტში ჩვენი ყურადღება მეტად ხით მოპირკეთებულმა ბიბლიოთეკამ მიიპყრო, რომელსაც კირქვის მასიური ბუხარი ამშვენებს. წარმოიდგინეთ ზამთრის საღამო ბუხართან, საინტერესო წიგნთან და წითელ ღვინოსთან ერთად (განა რა აჯობებდა კახურ საფერავს ნიუ-იორკის შუაგულში?!).
სააღდგომოდ პასკის ცხობის ტრადიცია საუკუნეებს ითვლის. თავდაპირველად სააღდგომო პური ძალიან მარტივად ცხვებოდა, თუმცა თანამედროვე მზარეულები მის სხვადასხვა ვარიაციებს გვთავაზობენ. დღეს უგემრიელეს პასკას ელისო გოჩავას რეცეპტითწარმოგიდგენთ, რომელიც ამ წელს თქვენს სუფრას ნამდვილად დაამშვენებს.
შეგიმჩნევიათ, ფალიაშვილის 17 ნომერში, სიმწვანეში ჩარგული პატარა სალონი? Nail Bar #1 მალე 10 წლის გახდება, ის პირველი სპეციალიზებული ფრჩხილების სალონია საქართველოში. დღეს კი The Diary-ის რედაქცია სალონის შიდა სამზარეულოში შეგიძღვებათ.
მოდის იტალიურმა ქალაქმა დიზაინის წლის მთავარ ღონისძიებას უმასპინძლა. Salone del Mobile როგორც წინა სტატიაში გითხარით, წელს 62-ე გამოშვებით დაგვიბრუნდა. გამოფენის პავილიონები სავსე იყო როგორც დებიუტანტთა ნამუშევრებით, ისე ცნობილი მოდის სახლების დიზაინებით, როგორიცაა პრადა, გუჩი, ბოტეგა ვენეტა, ლუი ვიტონი და სხვა.
